姜丽文做TVB“亲生女”半年即拍重头剧：三岁已经想入行

姜丽文（Leslie）今日出席TVB新剧拜神仪式，去年跟TVB签下艺员经理人合约（俗称：亲生仔女合约）的Leslie，今次当上“亲生女”之后第一次拍剧，于剧中饰演黄智雯好友，以及与吴业坤（坤哥）有感情线。姜丽文接受《香港01》访问时说：“我基本上系喺TVB长大，细个每次暑假都会返嚟探阿爸。”

姜丽文：“细个入厂其实系嚟玩，所以第一次入厂拍剧嘅时候发觉自己唔同咗身份，系一个演员，心谂：Oh my gosh！所以其实有少少压力、少少惊。但系觉得好有屋企嘅感觉，闻到𠮶啲油漆同木味，就好有童年嘅味道，好奇怪。”

姜丽文自言对于自己签约数月就得到好角色而开心：“广东话对白就有啲压力，自己喺屋企会做好多功课。遇到唔识嘅就即刻打俾阿爸，好彩阿爸依家啱啱系亚洲拍紧嘢。”姜丽文笑言自己十分“巴闭”，因为自己的演技老师就是“秦老师”。“我会问佢‘呢个语气你觉得啱唔啱呢？’或者‘你觉得佢而家系谂紧咩呢？’，然后我就会FaceTime做返一次俾佢睇。”

初次接触无线剧集，姜丽文表示虽然辛苦，但毫不介意：“我恨咗咁耐，忙就忙啦，呢个时间表绝对冇问题。我三岁开始已经想入行啦。（之前冇机会入TVB？）之前一路都忙做歌手嘛。”