【铁探】初见姜皓文好鬼惊　小演员潘姿善：因为佢好黑好似大贼！

无线剧集《铁探》昨晚（27/4）在新蒲岗举行饭局，出席艺人包括有姜皓文、吴庭烨、邓佩仪（Gloria）及两位童星黄学盈和潘姿善。在剧中饰演袁伟豪女儿尚睛的潘姿善，初登银幕，凭样子甜美可爱成功弹出，被一众网友Like爆。现年6岁善善话：“我觉得拍戏好好玩，我之前见到黑哥哥（姜皓文）好惊佢，因为佢好黑，好似大贼咁，不过宜家就Friend咗，因为佢好温柔咁对我嘅，咁我咪钟意佢啰。”

Gloria亦大赞善善够专业，拍摄时从不说辛苦：“好记得有一场戏讲我哋喺后巷度跑，当时天气非常之热，我问佢，你攰唔攰，佢话唔攰，其实我见到佢真系好攰，但系佢话我听唔攰，心谂呢个小朋友真系好犀利，谂返起我呢个岁数，只系识训同食，同埋识去玩咋，所以非常佩服佢。”