【铁探】网民激赞Bingo发型够贴地 　姜皓文：要有走佬逃难状态

姜皓文（黑仔）孖住爱妻殷宁，出席在上环文娱中心举行的《李浩群搅乜X演唱会》记者会。无线近期热播剧集《铁探》收视口碑强劲，姜皓文在剧中饰卧底Bingo一角，演技大获好评，网民更激赞“大贼”造型非常神似够晒贴地，原来黑仔刻意将头发整乱：“因为我觉得呢一个系悲情角色，发型唔应该咁整齐，应该成日有一种走佬逃难嘅状态，其实Bingo边有时间去整头呀，咁所以个头成日都好蓬松又乱乱地嘅，不过后期我自己就手多多执返靓仔啲，但俾导演发觉点解靓仔咗，要求我整返乱佢，哈哈。”

殷宁大爆黑仔每晚好似阿Sir上身，盘问有否收看《铁探》剧集。殷宁笑言：“因为佢呢排要拍嘢，所以佢睇唔到，咁所以佢每晚返到屋企时，都会问我今晚睇咗《铁探》未，其实我好勤力每晚都会追，好似琴晚𠮶集冇佢我都有睇，不过有时觉得佢有啲位演得麻麻哋，咁所以佢系要再努力，哈哈。”