【黄心颖许志安】森美脱嫌疑人身份：系舒一口气嘅

森美今日（24日）出席品牌举办的“明星慈善篮球赛”，偕一众艺人和甲一篮球运动员同场较量，同时为慈善出一分力。森美透露自己生活中很少打篮球：“所以为咗今次嘅比赛，喺过去一个礼拜里面，我不停咁睇篮球嘅视频，冇练过波。”

早前森美也受“安心事件”余波牵连，有报导指，有自称是黄心颖邻居的人士爆有两男跟黄心颖过往甚密，其中一位疑似是电台DJ，令常常跟黄心颖合作的森美成为嫌疑人，不过森美回应指在工作以外没与黄心颖联络。直至今日又传出该名DJ疑是跟森美一同主持节目“公子会”的刘翁（Sunny），及后刘翁太太及他本人都已否认。事情发酵至今，森美坦言家人也有压力：“其实呢件事开始嘅时候，当然我听到就好意外，𠮶阵时都即刻出嚟回应话𠮶个唔系我。我答晒所有媒体，讲咗𠮶个唔系我喇，咁我都无嘢嘅。但系我慢慢发现呢几日，我太太、我仔女，佢哋身边嘅朋友睇到啲新闻问佢哋，对于佢哋嚟讲都有压力㗎，对于呢样嘢我系觉得点解要令到佢哋担忧呢？所以今日再有记者朋友问我嘅时候，我都重申，𠮶个唔系我。”

森美又续说：“今朝早有记者朋友报导话‘唔系森美嚟㗎’，𠮶刻其实系舒一口气嘅，因为我都唔需要同亲戚朋友再多讲，希望佢哋明白，减低咗佢哋嘅疑虑，少啲压力。至于讲到其他人嘅话，我将心比己，我都明白当中嘅苦恼，所以我都不作多嘅评论。”而森美直言自己都有传短讯关心一下刘翁。

至于今早在做电台节目时，森美疑似向太太公开示爱，他笑指：“唔系示爱，只不过系可能我真系减轻咗个压力，因为其实由呢个新闻开始，由涉及到我嘅时候，到依家，我不期然个心系有啲压力喺度，直到今日新闻出咗话唔系森美嘢，个压力冇咗嘅时候，我partner都觉得我个人唔同咗，轻松咗，讲多咗，冇话特登，系个心自自然然地放松咗，唔系特登示爱嘅。”