女神孙慧雪回归！　预告再战书展︰晚晚写紧本散文集

现年36岁的孙慧雪婚后越战越勇，不单止杀入乐坛做歌手，近日做埋设计师，推亲自设计的Handmade内衣，相当叻女！

已身人母的阿雪更亲身上阵，为内衣拍摄宣传照，画面相当唯美，劲有写真feel。一向画功了得的她就透露自己曾修读过设计文凭：“𠮶阵有啲功课都要设计，不过都好耐之前喇！但我自己都有设计啲花艺首饰，都有卖过嘅，都有唔少人帮衬，但内衣就真系第一次设计！近年都好兴将一啲胸围设计成内衣款，用嚟衬衫，我朋友本身都有呢个慨念，而佢就话想同我Crossover关于雪，咁我就话不如用白色啦，lace方面其实都有少少似雪花嘅感觉，所以今次系用佢哋本身嘅慨念再加上我嘅图像设计。”

点撃下图睇更多靓相！

预告再战书展出散文集

虽然阿雪要同时兼顾家庭与事业并不容易，但她就似乎要做女强人，更透露今年自己将会再战书展：“因为我本身好钟意做手作，嚟紧都有朋友叫我去画画整T恤，但都要睇有冇时间，因为都好忙，又要陪小朋友，又要练歌。但而家其实我写紧本散文集，因为时间过得好快，所以我一直都好想把握做多啲唔同嘅尝试，所以夜晚不停赶紧稿，希望今年书展会出一本散文集，我始于都系修读中文，所以出书一直都系我心愿，咁写真唔计啦，都冇字！”

重温更多写真靓相！

自爆常被追写真数 阿雪笑言：40岁仲keep到就出！

对于会不会考虑再出写真，她就笑称：“出完写真，之后每一年都有人叫我出，但我自己就冇谂过，但都有同司徒夹带讲过笑，话如果40岁都仲keep到就出啦！而今次辑相都系佢操刀，因为着胸围都系有啲性感，佢帮我影会自然啲。”至于自己又靓又叻，阿雪就笑称老公没有特别称赞她：“老公系一个比较内敛嘅人，所以好难系佢口中得到称赞，但系佢就成日都鼓励我，会话：“我都估到你一定做到！”佢好好笑，系佢心目中我系咩都做到，我估呢个已经系一个称赞啩……”