【拍档专访】对林淑敏真情剖白 许家杰：一开始系有hard feeling
著名散文家席慕蓉有过一句金句：“前世的五百次回眸，换得今生的一次擦肩而过。”相遇，是一种幸运，也是一种缘份，有多少人一生到白头未曾碰面，繁人似海，数之不尽的邂逅，能够把握的又有多少？许家杰和林淑敏，年龄相隔一个七年，成长分开两地，却因为演戏让他们遇上了，比起情侣，比起闺蜜，他们有一种更紧密的关系－拍档。
送水辉大小姐，这两个名字在一年前突然横空出世，一年后已经在TVB《万千星辉颁奖典礼2018》被提名为“最受欢迎电视拍档”，相信最近的日子，两人被问得最多的问题一定是：“你有乜感觉？”许家杰一如既往，想起的都是身边那一个：“提名系一种肯定，肯定咗你呢个拍挡，多谢！”
一年的时间，虽然《爱．回家之开心速递》并不是集集都有他们的戏份，不过见面的日子绝对不少，见得多自然默契建立起来，看著他们一人一句，心里由衷感到舒服，演员身份放下，没有造作，没有虚伪。剧中是情侣，工作是同事，现实是拍档。回想第一次实在青涩，相信每个人第一次总是难忘，许家杰说：“𠮶时大家都唔熟，因为第一次合作，到有一次拍你饮醉酒，佢要骑我膊马，好尴尬咁同我讲唔好意思，仲话可以借位，我话唔使喇，我又大只大家都知喇哈哈。好感激呢个对手，佢任劳任怨，佢有咩要求谂法都会尽量配合。”
如果许家杰是热情如火，林淑敏则是典型的慢热，她说：“第一次讲我喺公司门口见到佢，佢遮我过对面马路，我直情系做唔到，因为我都唔识呢个人，我剩系望住佢就行喇。导演话唔得唔得，要演到个爱意，俾佢电亲，真系唔得！做咗几个勉强收货。其中一个camman识咗好耐，好熟㗎喇，佢叫我当佢系送水辉咁行一次，同佢拍就有㖞哈哈，我就捉住个感觉拍多次。”
第一次，第二次，到无限次，相处合作无间断，短短一年，两人由无到有，由有到深刻，而回忆这回事，往往会将最深刻的放在你心深处，许家杰表示：“我最难忘系《初恋最终回》，大家睇系半集嘅嘢，但我哋足足拍咗十日。林淑敏要跑街向《天若有情》致敬，（林：跑咗三日，出咗三分钟）我就揸电单车揸咗两日。呢啲出街得几分钟，但我哋每一次都好认真去做，有一个shot好短，得三秒，系讲由天台等到夜晚，我系拍咗五个钟。”
他们两人有自己的回忆，若果你问观众，对送水辉大小姐有何回忆，相信大部份人会想起：“送水辉咪送水，大小姐咪闹人啰！”不过对于林淑敏，闹人是有的：“ 经常，通常都系送水辉闹我，有一集讲我要跳舞，我俾佢闹到成只狗咁，我跳得唔叻，拉丁又系佢专长。我真系好感激佢，佢𠮶日唔使开工，都专登嚟教我同世豪，用咗好多时间，我哋两个仲喺度吖吱吖哟。佢突然好严肃咁讲：‘听我讲’，我同世豪即刻企咗喺度，唔出声听佢讲，我觉得有一个有要求嘅对手系会令对方进步。两个人拍档，边个有信心就应该边个行先，有时我有信心都会好直接讲，可能语气会唔系咁好，但大家都为件事好。默契就系咁，我语气咁差，你都听我讲。”
这时许家杰深深吸了一口气：“其实一开始真系有啲hard feeling，我觉得系咁做嘛，一开始无咁熟，同埋我觉得相处模式唔一样，大家客客气气。到而家，直情系互殴。”
要做一对拍档，不难；要做一对有默契的拍档，难！但未至于好难；要做一对能够互殴的拍档，超难！难于放下自己。他们两个不介意在对方面前有话直说，打从心底为大家好，亦因如此，成功在观众面前展露出一对人气极高的“电视拍档”，即使有奖无奖，老土说话又再讲，观众对他们的肯定已经是最大奖项。
唔好走住！下图仲有彩蛋，林淑敏顶唔顺许家杰话佢麻烦！
鸣谢
许家杰服装：Tommy Bahama
场地提供：PenthouseParty