【香港舞台剧奖】关宝慧挨足28年终夺剧后：我拍过好多烂片

关宝慧凭自资演出的舞台剧《她妈的葬礼》夺得《第二十八届香港舞台剧奖》“最佳女主角”（喜剧／闹剧）奖，此剧是她第一次获提名兼第一次获奖，她高兴得泪洒台上，更多谢恩师钟景辉（King Sir）。《香港01》记者致电关宝慧祝贺，她表示这次获奖真的非常开心。关宝慧指自己在台上好激动，“其实我激动咗个几月㗎啦，我知道咗有提名，我就系咁喊系咁喊，喊住咁返屋企，我一入门口我妈咪见到我喊都问我咩事。琴晚由宣布颁女主角呢个奖我都开始喊啦，都未嗌我名。我都听唔到林海峰叫我个名，系我隔离嘅人同我讲先知。”

关宝慧夺奖后，向传媒讲过现在正在写电影剧本，需要600万的资金，如果没人投资的话，她会卖楼。”《香港01》记者问及此，她坦言并不是讲笑，“如果真系揾唔到（投资方）嘅呢，咁咪卖下啰。（咁大牺牲？）咁唔系太大嘅，因为我唔系净系得一层楼嘅，卖一层都够，我一路都想同李蕙敏搞一啲戏。”

关宝慧毕业于香港演艺学院戏剧系，但一直未有好的发挥机会，演员是被动的，好多时，只等一个机会。入行28年，终于获奖，关宝慧感叹︰“我所有电影﹑电视所有嘢我都未提名过㗎，我𠮶阵啱啱离开咗TVB，先至有视帝视后嘅奖。”好似一直跟奖项无缘。

关宝慧更谈到自己有一段时间都很失意，郁郁不得志，“试过烂片年代，我又拍过好多烂片，惨嘅系人嘅郁结，有时明明有啲角色我可以做，点解人哋唔揾我㗎呢？”“大概05、06年左右开始，有十几年嘅时间我系觉得自己系好似个头喱咗去梳化里面咁，起唔到身，又唔系就嚟死，但系好辛苦，类似好多嘢俾人或者俾自己压制住咁，好似被绑手绑脚，唔知做乜咁嘢咁。”她续说：“𠮶十年系好惨，电影又变左做烂片年代，之后系直程衰到冇片拍添喇。烂片年代应该系由97、98年开始，好多𠮶啲‘七日仙’啊，十日就拍一套戏𠮶啲，𠮶时我都好辛苦，我甚至参与过一套我冇份除衫嘅三级片，好少戏份嘅，叫咩名我都唔记得，因为我自己都唔想记得，我唔想面对，但无计，因为我要话畀人听，我仲喺呢个圈生存紧。”

多年来的奋斗，辛酸事又岂止以上的，关宝慧试过主动叫导演“得闲有戏揾吓我拍啊”，她自言不是这种自我推销的人，这样说已经觉得自己“面皮好厚，呢啲事好肉酸”又试过大概在7至8年前，有导演要求她会讲广东话、普通话和英文，又要演戏，最后竟然给她$800一天的片酬，跟戏中的model薪水一样，最后她也拒绝了出演。到后来12年左右情况开始好转，她续渐有更多机会。现在终于得奖，她自言也许都是转运了。