《3日2夜》女神林伊丽晒超美孕照　肥B唔肥人全靠食呢样！

有“翻版张钧宁”之称的《3日2夜》女神林伊丽（Michelle）自从去年在社交网宣布怀有与金融才俊老公Henry Chow的爱情结晶后，就专心养胎，暂停了所有演艺圈的工作。日前，她就在网上大晒超美性感孕照，相中的Michelle依然明艳照人，手脚纤幼，肥B不肥人，令人羡慕！

Michelle接受《香港01》访问时就更透露目前已怀孕37周（即超过9个月），已经陀足月，随时准备“卸货”：“要多谢BB好乖，所以除咗怀孕早期冇咩胃口之外，之后都陀得好舒服顺利。足月后，BB会随时出生，所以都好期待见到佢！（BB的性别系？）BB系男仔。”原来Michelle怀孕7个月时，孕肚仍不太明显：“身边嘅人都睇唔出我有怀孕，所以孕期相都拖到34周先影，希望肚大啲，影出嚟比较明显！”

虽然Michelle怀孕期毫无臃肿孕味，但原来BB一直偏大2星期，吸收得相当好！对于自己“长胎不长肉”，Michelle就分享了孕期时的饮食秘诀：“每日会食四种唔同颜色水果，食高质蛋白质，红肉，蔬菜，反而淀粉质食得比较少。到而家，我都会每日系Gym到踩1小时滑步机，希望运动可以帮助顺产。”而荣升人母后，Michelle就表示唔会做全职妈妈，希望工作同家庭可以互相平衡。

点撃下图睇更多饮食餐单！