【任噏乱评】《铁探》唔止重卡士咁简单　成套剧加埋佢哋先完美

《铁探》将于4月1日星期一晚上隆重首播，点解隆重？自从上年宣布有红姐惠英红同埋黑仔姜皓文有份拍摄之后，已经令唔少观众引颈而待，等足一年，剧集终于正式出街，而且都几肯定呢部剧集唔会令人失望，除咗有庞大卡士支撑，仲有最强后盾。

作为一部与腾讯企鹅影视合拍嘅剧集，资本当然充足，所以先请得起红姐同黑仔齐齐担正，外来卡士十足，TVB自己都唔吝惜，袁伟豪、蔡思贝、黄智贤、王君馨、杨明、梁竞徽（唯唯）、陈敏之（客串）和洪永城（客串）个个都系一线小生花旦，还有石修、吴廷烨、许绍雄、林利、林伟这几位又有型又有佬味嘅绿叶演员，真系够晒睇头！

不过，一部好嘅剧集除咗要有好嘅演员，好嘅剧本亦都相当重要，但系大家唔命担心，今次TVB绝对系诚意之作！由监制苏万聪加上编审朱镜祺和刘小群联手创造的故仔绝对系一个保证，有冇人觉得佢哋三个名加埋一齐好熟口面？无错喇！2014年HKTV大受好评嘅《警界线》就系有佢三个份，其中监制苏万聪更加精于创作警匪剧本，做编导时期有《刑事侦缉档案》四部曲和《潜行狙击》，而《使徒行者2》和即将开拍的《使徒行者3》都系由佢监制，绝对值得投下信心一票。

而编审朱镜祺和刘小群两人除了是夫妻关系，前年TVB人人大赞嘅《不懂撒娇的女人》亦都系佢两个联手创作，所以其实今次幕后班底系好值得信赖。

即刻投票，拣选你心水男、女主角，仲有你最撑嘅香港电影，即有机会获得戏飞。《香港电影我撑场．民选大奖2019》投票专页：https://voteforhkmovies.hk01.com/