首次担任监制包办词曲创作 钟嘉欣做音乐人暂无拍剧计划
撰文： 朱奕锦
出版：更新：
钟嘉欣（Linda）去年8月诞下儿子Jared后一直未有公开露面，今日（30日）她以一身休闲装扮出席“萌游治愈乐园”活动，吸引不少粉丝到场支持。相隔数月首次亮相，Linda也倍感兴奋：“见到咁多粉丝，咁多朋友，咁熟悉嘅面孔，系一件好感恩嘅事。”
虽然Linda婚后一直专心凑B，但依然对演艺事业充满激情，她透露下个月将会推出一首新歌：“而家已经录晒，MV都拍埋，今次第一次做监制，但系仲有好多细节嘅嘢，因为要Edit，谂下点宣传，呢啲嘢原来系我以前从来未做过，净系幕前，而家开始做埋小小幕后嘢嘅时候，系学到好多嘢，希望以最好嘅Project完成咗，我先推出。”
其实这首新歌所有的Idea都由Linda一手一脚实现，“作曲、填词、Music Video各方面，自己谂到头都大埋，但系又好有满足感，系辛苦嘅，好多时要等到啲小朋友瞓咗觉，或者Nap Time我先去做嘢，休息时间会少咗，但系仍然可以做小小Entertainment嘅嘢，令到我好开心。”Linda笑言。
提到TVB翡翠台深夜正在重播《法证先锋》系列，Linda表示那时已经睡觉，并无重温自己演出。她又直言自己仍然好钟意拍剧，但要考虑如何平衡下时间，暂时都无任何计划：“我觉得有啲嘢嚟嘅时候，如果啱Timing嘅，又觉得适合嘅，又会开心嘅，咁咪做啰。冇特别嘅，Plan唔到，你唔知有啲咩会嚟，咁我一步一步嚟，而家做音乐先。”
近年宣萱、佘诗曼等离开无线后都相继加入古天乐旗下的天高娱乐，不知道Linda有否这方面的打算呢？“因为啱啱生完小朋友，其实未谂得咁多，都系睇下将来点样。签公司系一个长远嘅嘢，系一个责任嚟嘅，所以就算要签都要睇下，即系大家要了解，用时间睇下边度会好啲。”
点击观图活动其他相片：
+7