亚视制作部大裁员　邵子风惨受牵连：人事部根本就系乱咁炒人！

亚视又又又炒人啦！虽然亚视炒人已经不是什么新鲜事，但这个在2017年已经“东山再起”转型做网络电视，曾经让人一度以为它真系翻生！亚洲电视控股今日（28日）公布上年业绩严重亏损8亿人民币（约9.3亿港元）而大幅裁员，更将整个制作部“狠Cut”，消息指化妆、收音、摄影和广播中心的员工全部被裁，制作部亦成重灾区，19人炒剩4人，另人事部只剩一名员工，OTT的销售部亦全部“起身”。

邵子风周四（28/3）中午在facebook，表示明天（29日）要为节目《发噏风》录影，惟今日突然收到亚视将整个制作部连根拔起的消息。

他接受《香港01》访问时表示公司想人做免费劳工：“我本身听日约咗三个嘉宾录三集，但佢今日已经炒人，制作部有冇咗，连摄影师都炒㖞，但又想录埋听日𠮶三集，佢哋向我提出一样嘢：‘听日嘅节目，如果无钱（冇钱）俾你，你会唔会番黎（返嚟）录？’”他听完都觉得相当无奈，并将整件事跟其中一位嘉宾张松枝解释，松枝搞笑地教他回应：“等我问吓我业主，中电，水务署，街市啲老板，我先可以答到你。”邵子风之后亦要一一向其他嘉宾解释并道歉。

随后，有一位自称知情的内部员工于28日晚上就此事澄清，表示由于当日太多人被炒，导致有人在传递上层讯息时出现错误：“本身传消息出去𠮶个人自己都俾人炒，佢知道公司cut节目，但因为已经约好嘉宾，所以俾人叫佢去问子风想唔想做埋个嘉宾，就以为冇钱畀佢，其实人地叫得你去问，就梗系留左钱畀佢㗎啦！”

管理层逢周五开刀　邵子风：系叫“亚视星期五”

他笑称拍节目一年之间已经多次见证亚视裁员：“炒人呢件事好耐㗎喇！系成日不断咁发生㗎！”虽然早已对今次的炒人风波见怪不怪，但仍然对今次的风波感到吃惊：“有同事打畀我同我讲‘嗌晒成个制作部入房㖞，睇嚟有动作！’，我即刻睇一睇个日历，今日星期四咋㖞！因为一般亚视炒人系星期五㗎，我哋系叫亚视炒人呢样嘢做‘亚视星期五’，系好睇晒佢所有嘅节目㗎！”他更笑称同事之间经常开玩笑要开拍“亚视星期五”，逢星期五访问亚视员工问他们怕不怕被炒的心情：“唉，我都未拍到呢个节目就已经冇得做喇！”

人事部随机“杀人”　员工不敢接“死亡电话”

他大爆公司内部一直“七国咁乱”，而人事部的做事方式更是令人费解：“人事部想炒人就炒人，例如佢想炒一个PA（Production Assistant），人事部就可能打电话畀PA甲，如果打极都冇人听，咁就试吓打畀PA乙，如果PA乙听电话，咁就炒PA乙㗎喇！所以亚视同事好多都唔敢听公司电话㗎！”

一般的公司如要裁员都不会将工作能力高的人裁走，偏偏亚视与众不同：“有个资深化妆师畀大老板表扬佢做得好，点知第二日就畀人炒咗！因为赞佢嘅人同炒佢嘅人唔同，被炒嘅人都唔系畀老板炒，而系畀人事部炒！佢哋根本就系交数！”

邵子风解释自己并不是隶属亚视的正式合约员工，只是以freelance形式拍节目，节目无端端被中断非常无奈。（怕不怕收不到粮？）“我谂都唔会走我（走数）嘅，咁大间公司！”（有意与其他电视台合作？）“我好有兴趣啊，但都要人哋要我先得㗎！我都已经惨到无嘢捞到要去捞亚视喇！我冇嘢捞喇求大家畀次机会啦！”

有一位匿名的前亚视资深员工表示，虽然在亚视改革后加入一年多已经见证至少8次裁员事件所以一早就有心理准备被炒，但仍感到相当无奈：“我到寻日都仲OT紧，帮佢哋写嘢，仲帮佢揾嘉宾！”他更爆料亚视根本就不按正路作裁员决定，而自己则曾经被公司“误炒”过：“当时有个人走嚟同我讲，叫我执嘢走，然后我同我阿头讲我畀人炒咗㖞，佢就觉得好荒谬，因为成组人得我一个写稿，所以一炒咗我就会冇晒人写稿，当时我做紧嘅四个节目都会冇人做！”之后他的主管向人事部问个究竟，结果人事部称：“吓系咩系咩，哎呀写错咗啊，唔系炒你啊！”

前资深员工爆料：Marketing是毒瘤

另外，亦有前制作部员工表示，连累亚视的罪魁祸首根本就市场部（Marketing），然而每次“地震”，动荡最少的均是这部门，而且整个问责系统的逻辑亦很有问题：“如果我哋个节目出街畀人闹，系我哋节目制作嘅问题，但系根本就系连理都冇人理，因为根本冇人知道亚视有咩节目！点解唔系marketing要负责任呢？仲要有传闻佢哋（marketing）自己仲要加人工！”他解释，市场部根本未能为公司作出适当宣传，亦是公司收视不振的主因：“就算节目俾人闹，起码叫有回响，大家收到回应都知道应该点纠正，但根本有好多人连亚视有节目都唔知！”他甚至笑言可以“下战书”：“其实想知marketing做唔做到嘢好简单，冇得呃，你拎100张10蚊纸出黎，喺地铁站出面问人知唔知亚视重新开台后有咩新节目？如果答到就拎10蚊走，一个钟之后，派剩就畀我，如果你派得哂我在掉转畀返1000蚊你又点话？”