JW自爆在英国读书时是“酒鬼”：觉得自己好似放监咁！

JW（王灏儿）昨晚（27日）出席香槟派对并担任歌唱表演嘉宾，派对上亦请了韩国男歌手Gary做派对DJ。JW笑称其实自己都有学过打碟：“我几年前学过，因为有个朋友做DJ，我又贪得意想学下，但系绝对唔可以话叻，哈哈！”

JW自爆以前在外国读书时经常出去劈酒，亦试过饮到烂醉：“啱啱读大学嘅时候好开心，因为觉得自己好似放监咁，自己一个人去英国读书吖嘛，所以我哋成班朋友啱啱一开头嘅时候一个礼拜可能出去2、3次，不过之后就已经无喇，大家都攰啦饮完酒下一日又要返学，然后饮多咗呕完又辛苦！”她笑言自己酒量OK，不过相较起前几年，现时开始较少饮酒，只得庆功或庆祝生日时才会饮酒。

日前为好友许廷铿担任红馆演唱会嘉宾，JW坦言很希望能再次踏足红馆开演唱会，不过现在还不是时候：“首先要储返多啲歌先啦，因为我自己本身今年希望1、2月尾可以出到歌，但好多因素到而家都未有。我希望每一年都可以继续有新歌，唔想停咗喺度。”