【反黑】续集无个有好下场　招积一出场就死？张建声：已无回头路

4K网剧《反黑》前年播毕，续集终于要开拍，并以96年嘅香港作为背景。既然剧本已写好，导演宋本中除透露出演阵容之外，亦分享了《反黑2》的剧情发展方向。“招积第二季一开始就会被人一鎗打爆头！”玩到咁尽？！爆咗头是否代表之后唔会出现呢？导演就只系笑而不语。之不过，拓积作为唔少网民都喜爱嘅角色，相信导演绝对唔会咁快判佢死刑。除此之外，宋本中透露《反黑2》亦会出现类似Harley Quinn（小丑女）的角色，并指“呢个角色会系世界第一女杀手”
 

又系时候回一回带：《反黑》第一季嘅结局，系讲述招积被拘捕时，何国荣饰演嘅大Sir突然现身，并以“呢个系情序”为理由，将招积带来。车上，何国荣为追问龙头棍嘅下落，开出特赦等条件，点知原来呢个招积系陈国坤，而真。招积……剧情就未有交代被收押喺边，而最后一幕系招积再次被问及龙头棍下落，以一个奸笑作回应。导演宋本中表示，由于招积持有龙头棍，所以引来各方追杀。“续集一开始就讲佢终于被收监，期间发生咗啲事，而佢嘅就之后就会被人一鎗打爆头。”

如果以为招积爆头，其他人就会好过咁就大错特错了，宋本中表示B1-1组喺第二季将会“个个好惨”，事因陈国坤饰演嘅张Sir正式成为和兴盛话事人，为了好办事，于是将B1-1组员逐一铲除：彭敬慈饰演嘅大鹏因为发生意外而连警察都无得做、陈嘉桓饰演嘅Heman亦会因事故而性情大，而陈小春饰演嘅凤凰喺眼见众人下场如此惨烈，亦步向崩溃以及绝望的地步。

对于招积被爆头处死一事，张建声接受访问时表示自己都系收到剧本无耐。“因为呢个悲剧反派喺第一季所做嘅一切，已经无回头路，警察、黑帮甚至政治部嘅幕后黑手都想去除呢个计时炸弹，所以摌除佢似乎系理所当然。我自己睇完剧本之后，都会替招积感到十分可怜，但之后故事嘅推进，或招积会否已成历史？一切仍商讨中。”听张建声嘅语气，似乎招积仲未走到尽头咁㖞！而佢亦透露已收到宋本中导演的召唤，随时ready开工。“希望支持《反黑》嘅观众再稍等一下，没有最好，只有更好，谢谢。”