【反黑】续集制作成本逾两亿　洪兴龙头蒋生正式加盟？

预计年中开拍嘅网剧《反黑2》，剧本已完成，而演员阵容亦已大致确定，导演宋本中为节省车程时间，更租下其工作室旁嘅单位，准备将其改装成“B1-1组”嘅办公室。“第一季个厂季系喺小榄海水化淡厂，每日车程来回都要两、三小时，依家租埋旁边个单位应该会方便好多。”为咗唔使白白缴交六位数字嘅租金，所以宋本中都话要尽快开工。

规模、成本倍增

《反黑》第一季全30集，制作费约6,500万；《反黑2》预计60集，拍摄时间达一年多，宋本中虽然不愿透露今次制作成本，但如按规模倍增去推断的话，随时斥资逾二亿。至于内容方面，《反黑2》的背景年份将为96年嘅香港，越南船民骚乱、赤柱监狱闸口被人以泥头车蓄意撞坏等情节亦将会于剧中发生。“点解会搞咁耐先开拍系因为用咗好多时间喺资料搜集方面，因为网上资讯未必百分百正确，变相要揾相关人士求证。”

选角绝对没有限制

演员方面，除有第一季嘅核心成员陈小春、陈嘉桓、陈国坤、吴岱融等人之外，宋本中透露预计将会加入刘浩龙、伍咏薇以及《古惑仔》系列中嘅蒋生！过往曾扮演洪兴龙头“蒋生”一角嘅，分别有任达华嘅蒋天生，以及万梓良嘅蒋天养，两个都霸气十足，之不过，到底边个蒋生会出现喺《反黑2》呢?宋本中就大卖关子，表示要迟啲先揭晓，不过其实无论边个蒋生都好，观众都系最大得益者，值得一提的是，宋本中指唔少网民都都认为因要顾及内地市场，故在选角方面受到限制，但他强调《反黑》是香港制作。“就算系卖比内地又或者Netflix都好，都系引进片，所以唔会话因审批而影响选角，当然，卖咗比人，对方要删除某啲片段我系控制唔到。”另外，提到《反黑2》迟迟未开工 ，唔少网民等到劲都长埋，宋本中就拍心口咁话：“为怕观众等得太耐，所以《反黑3》嘅剧本已经进行中，希望第二季播完之后，第三季马上就可以播。”