【大酱园】朱晨丽自爆剧中被人强奸　何广沛：点解你仲笑

何广沛、朱晨丽今日（14/3）出席无线新剧《大酱园》造型记者会，首次担正剧集男主角何广沛开心表示；“今次系第一次咁重戏分，最紧要有一位咁好嘅拍挡（朱晨丽）啦，因为有咁多嘅戏分，难免都会有啲紧张，好在有好嘅对手而且又合作过，因为之前已经有晒默契，有佢分担相信冇咁大嘅压力啦。”

朱晨丽自爆剧中会畀人强奸，旁边何广沛大为紧张话：“你畀人强奸？咁系之后我系咪英雄救美呢？”朱晨丽笑说：“我都系听同剧嘅演员讲，佢话我知佢会强奸我，哈哈，反而佢好似好期待，好似好开心咁，佢好似发梦都梦见，终于都可以实现，哈哈哈！”何广沛话：“点解你可以讲到咁好笑咁嘅，你都好似好期待咁㖞。”朱晨丽打完场话：“如果冇呢一幕，又点会有你英雄救美呢一幕呢。”