【法证先锋IV】朱晨丽拍剧获送花劲冧：我连生日都冇花收呀！
撰文： 黄欣华
出版：更新：
朱晨丽最近忙于拍摄新剧《法证先锋IV》，在剧中她与谭俊彦继《特技人》之后再合作，二人由演情侣，如今却以警队上司与下属关系相称，朱朱笑指感觉有趣，称：“咁短时间再同谭俊彦合作真系好开心，因为唔使再磨合，大家一埋位，对方一个眼神就感觉到应该点接，唔使排咁多同讲咁多，悭番好多时间。同埋估唔到都几啱嘴型，试过等埋位一齐‘扫街’买鱼蛋小食，跟住拎上外景车食，好在对手系谭俊彦咋，我哋互相为大家打气。”
早前二人到花店拍摄查案戏份，曾表示喜欢收花的朱朱，趁未埋位即四围观赏林林总总的鲜花，老板见状即二话不说赠她两扎靓花，氹得朱朱笑足半日，她说：“唉呀！大家有所不知，我之前生日都冇人送花畀我，好在老板好好人，听到我咁讲，好似好惨就送花畀我，总算有啲安慰，后来我梗系有拎返屋企摆，我只猫见到都有眼望望。”