【福尔摩师奶】多伦多大学经济学毕业　吴珮如无悔入行：路自己拣

TVB新剧《福尔摩师奶》播出不久，除了掀起全城推理潮外，剧中不少演员亦成了讨论焦点。其中，在剧中与爸爸一同卖艺并在天井屋“香庐”中租住的沙煲妹就是由吴珮如（June）所饰演。

June 在加拿大第一学府多伦多大学经济学毕业后，就回流香港入读第27期艺员训练班并成为TVB基本艺人合约女艺员。除了主力拍剧外，她亦被安排成为六合彩主持。June接受《香港01》访问时就透露做演员是她细到大的梦想：“可以做到演员其实真系非常幸运，我好感恩。记得六岁嘅时候，妈咪问我做咩冲凉冲咁耐都未冲完？其实我系匿埋喺洗手间入面拎住个玩具茶壶扮饮毒酒，然后扮喷血身亡，对白系，你...做咩...要咁对我...”

为了演戏，June更放弃自己名牌大学入场卷，没有从事与经济相关的工作。多年来，一直留在TVB饰演小配角：“我完成大学系因为想满足屋企人嘅意愿，我自己都觉得完成咗呢件事有满足感呀。其实每一行做得好都可以有好嘅前景，人嘅内涵同本质应该比沙纸紧要。而我随时准备好做更多角色，丑嘅、搞笑嘅、惨嘅或者演律师同医生，我都好乐意。（系咪因为屋企冇负担，自己先可以追梦？）普通屋企。我好幸运唔需要供养屋企人，而且佢地都系想我过得快乐。而且条路系自己拣架嘛，就算甜酸苦辣都系经历同应该感恩。”

June更透露做演员曾经有气馁、有失望、有无奈、有伤心，但就从未谂过放弃：“我相信我哋要做好每一件事，努力迎接每一个挑战。至于可以喺呢条路上面行到几远，应该就唔系我哋所能够控制，要提醒自己，勿忘初心，做好自己！（会唔会学啲前辈搞吓生意？）好似最近我同朋友都有倾过，当你要同时做人妻、人母同生意人，你就只能够做到30%good wife，30%good mom and 40% good business woman.每人每日都系得24小时，系好公平。当你选择要同时做多个角色，你就唯有取舍，我返黎香港系一心要做演员，所以要用尽全力去做。”

讲到新剧角色，June就透露这是她入行以来最多戏份的角色：“呢套剧台前幕后都付出左好多努力，我只系一个小演员希望尽自己最大嘅努力。我本身唔识功夫，所以真系好多谢监制咁信任我！导演嘅镜头同埋武术指导悉心教导都帮咗我好多，令到出嚟嘅效果更加好睇！我记得我收到《福尔摩师奶》剧本嘅时候，其中一样最开心嘅野就系见到我系有老豆同埋香庐有一间房系我屋企，个角色有背景我就可以谂多少少点样去演，令个角色出嚟更加立体！”.