JW王灏儿同两大视后争“最受欢迎女歌星”：喺佢哋个名隔篱好开心

JW王灏儿与刘浩龙（师兄）今日（22/12）出席商场活动，两位即席献唱多首歌曲和大家欢度冬至及预先庆祝圣诞，其中JW也唱了《挥挥手》和《你带著我的青春离去》两首歌曲。其实《挥挥手》和《你带著我的青春离去》除了是JW本年的热门歌曲之外，更入选了《2018年度劲歌金曲颁奖典礼》中的“劲歌金曲奖”及“劲歌金曲金奖” 候选名单。JW接受《香港01》访问时说：“我今日见到个名单都好开心！”

提到“最受欢迎女歌星”的候选人，JW兴奋的说：“其实我入到八强都已经好开心，同埋我都几震惊。因为我从来都冇谂过，都冇谂过到赢。（田蕊妮同胡定欣都有入围㖞。）系吖，因为佢哋今年都有出歌㗎嘛，所以好开心吖，可以同佢哋同一个‘系列’入面。我可以喺佢哋个名隔篱已经好开心。”

圣诞临近，问到JW王灏儿的计划时，她回答说：“𠮶几日都有工作要做，不过最开心嘅系好多工作都系喺朝早同下昼，所以夜晚就可以同家人朋友食饭。（出街食？）我觉得出咗嚟做嘢之后，都冇机会返屋企食住家菜，所以我最挂住嘅就系屋企食饭。今年妈咪都问：‘Christmas Eve去边度食好吖？’我都话：‘想喺屋企食。’（通常煮啲乜？）佢煮乜我哋都食，妈咪煮嘅肉酱意粉系最好食。（有咩食？）佢一定会煮肉酱意粉，因为我永远都会要求，最紧要就系有肉酱意粉！”