愤斥风水大师点七星灯为父续命乱讲　何超莲：你咁讲Daddy我好嬲

一向热心公益、不时参与慈善活动的赌王千金何超莲，日前在社交平台上载自拍照，手持“政协第十二届佛山委员会第三次会议出席证”，公开了自己另一新身分，并正式宣告踏足政坛，并发文表示：“被委任佛山市政协委员，第一次参加政协会议，我会抱著学习的态度向大家多多学习，也会履行自己的责任，持续关注饮食方面和帮助青年创业方面的议题，大家请多多指教。”

而超莲今日（14日）在铜锣湾出席情人节大派礼物活动，接受《香港01》访问说：“我嘅政协工作主要系将大湾区港澳连结，因为佛山都系大湾区其中9+2嘅地方，我自己本身系饮食业及慈善方面，咁我尽量以青年人嘅方向去睇啰，又或者帮啲年轻人去内地创业呀。（有咩嘢驱使你想去做政协？）其实我好简单，好想将我嘅牛肉面开去内地，哈哈！咁所以如果能够同商界唔同嘅连接，唔系净只同娱乐界，我谂会好啲啰，我个人好坦白，哈哈！”

近日传出赌王何鸿燊病危的消息，更指家人聘请风水大师点七星灯为他续命，超莲回应说：“成件事都系假，如果作为一个师父，你收得我哋钱，冇理由大大声声咁讲，因为呢啲系私隐嚟，当时我睇到𠮶个新闻，我就觉得好嬲啦，因为我Daddy冇事冇干，新年流流话佢病危，其实已经好大吉利是，仲有个三唔识七嘅师父走出嚟话帮佢做咗嘢，因为之前连‘种生基’都系假嘅，‘种生基’都冇发生过，咁亦都冇话咩续命灯，根本唔需要，要有职业操守啰，唔可以乱讲嘢啰。（保留追究法律责任？）呢啲嘢留返畀妈咪去处理，但我自己作为一个女，你咁样讲我Daddy会好唔开心。”