【开心速递】男友传暧昧短讯分手　“威龙潘金莲”梁茵：唔只一次

无线剧集《爱‧回家之开心速递》一众演员今日（15日）到油塘出席“花好月圆庆元宵”活动。，梁茵(Kiko)在剧中饰演有“威龙潘金莲”之称的Anita，身为网店总监秘书的她经常利用美色去迷惑男人。Kiko笑言自己现实的“颜值”未到这个层面：“本身自己好钟意识朋友，圈子就好庞大，当身边啲朋友知道我要饰演呢个角色，佢哋都话我同平时嘅我都唔一样，手法唔似好大差距。”

刚刚过去的情人节，Kiko表示在工作中度过，她更指情人节曾经带来极大的伤害：“喺好耐之前，同一个男仔拍咗拖都有一年几，喺我哋相处嘅时候，无意之间发现佢手机有第二个女仔，send咗啲好甜蜜嘅讯息，唔只一次，当时我仲同自己讲唔系真嘅，仍然相信佢畀好多借口自己，当时个男朋友多番向我解释，但我感觉到佢好享受畀女仔追嘅感觉，到最终我无法再去呃自己，无法当无事咁同佢过情人节，最终我哋分咗手。”