【你咪理，我爱你！】两套贺岁片同时上 王菀之不怕自己打自己
撰文： 李婉文
出版：更新：
王菀之（Ivana）今日（29日）出席王祖蓝首次执导的歌舞电影《你咪理，我爱你！》首映礼。Ivana说：“好难得香港有歌舞电影，而大家都系好畀心机，万众一心咁去练跳舞唱歌，而且for新年系一套好开心，同埋讲爱嘅一部戏，所以我都好想多啲人睇。”
Ivana是歌手出身，今次演歌舞片是否没有太大难度？她说：“唔系㗎，可以话系有少少熟悉啦，因为我本身系唱歌，做音乐会都会练歌舞，但系今次要演埋戏，所以其实系呢度要做好多功课同去学习，都听咗好多前辈唱得好好，咁我就偷师。”
提到除了《你咪理，我爱你！》外，Ivana其实也有另外一套贺岁电影《如珠如宝》上映，她即笑称此乃双喜临门，又指自己不担心两套电影同时上映票房会互相被分薄，她笑言：“唔会㗎，可以睇完呢套，隔篱院就睇𠮶套㗎嘛！”
Ivana表示今年新年前后都忙于拍电影，新年几天假期会陪陪家人。她谓：“我都好钟意拜年㗎，喺屋企整下年糕咁，都好传统嘅。”被问到Ivana会否封大封利是给身边朋友，她说：“我睇下生活有冇拮据啦，或者系丰收啦，嚟决定𠮶一年嘅利是嘅多与少，不过我希望大家系注重个心意啰。无论系多唔多job，我都系有好多身边嘅人想感谢，我都会派利是嘅。”