【如珠如宝】新年老婆带几个女飞去日本滑雪　阿Bob：我好唔开心

由林敏骢执导新年贺岁电影《如珠如宝》今晚（29/1）在又一城举行群星首映礼。有份参演的阿Bob表示对电影在贺岁档的表现非常期待：“我之前听咗好多幕后同事讲话睇咗好多贺岁片，都系胡胡闹闹，而呢一套感动𠮶㖞，都好感人，因为我哋拍嘅时候知道有啲位都几催泪，希望一阵入去睇，可以睇到感动嘅一面啦！”

每逢农历新年，阿Bob密密接骚做司仪，今年亦唔例外：“好感恩，新年有嘢做，年初二要做烟花现场司仪，初三会过澳门做花车巡游司仪，跟住初六、七都会做相关嘅嘢，都会有时间去拜年，但屋企人就开心啦，太太带埋几个女去日本滑雪，冇我份好唔开心，我冇理由有两日时间都飞过去㗎咁无聊，所以睇下暑假有冇时间，到时再去远啲嘅地方去玩过够本啦！”