【如珠如宝】被林敏骢连番整蛊　庄端儿：要我狂跳百几次

庄端儿出席尖沙咀举行的《叶振棠友谊万岁慈善演唱会》发布会。慈善演唱会将于11月9至11日假澳门隆重举行，庄端儿首次参与演唱，心情紧张又兴奋：“今次演唱会有三场，我只系演出其中一场，好多谢阿棠哥邀请我，可以话系冲出香港，哈哈，今次演唱会主要系唱怀旧歌，自己本身都有揾唱歌老师学唱歌，所以对于我嚟讲都冇太大问题。”

庄端儿在贺岁片《如珠如宝》中，饰演扑扑姐一角，经常被导演林敏骢借机整蛊。端儿笑言话：“有一场戏佢要我着住件冇吊带嘅泳衣，仲要吩咐服装姐姐改细，件泳衣细咗成个码，迫爆咁滞，又要我喺浴缸度系咁跳，当时好多人围住一齐睇，跳咗成百几次，我就同佢讲，件泳衣系唔会跌落嚟，就算跌落嚟都会冇嘢睇，因为我贴晒乳贴，之后佢仲要我浸喺浴缸度，前后浸咗成4个半钟，啲皮肤皱晒皮，真系冇人性。”