Angelababy激罕回港出活动　笑谈儿仔未识逗利是：佢话胳肋底有钱

久未在港露面的Angelababy（杨颖）今日（29/1）在尖沙咀出席新春活动，她在台上透露今次已是第11年参与活动，笑指即使如此仍自觉年轻，但原来今年已经不经不觉30岁。谈到去年最开心的事，她说：“‘小海绵’而家识讲好多嘢，睇住佢每日进步。（点同‘小海绵’庆祝两岁生日？）带咗佢出去同朋友食饭庆祝，朋友买咗好多蛋糕畀佢，但佢净系挂住食蛋糕唔影相。”

对于猪年愿望，Baby直言想多休息，因近年工作繁忙，所以想多点时间陪小朋友：“呢几日都有啲感冒，知最近流感厉害，希望大家身体健康。”又笑谓儿子还未知道利是钱是甚么：“每次问佢有冇有钱，佢都话有，喺胳肋底。（教佢理财？）而家佢仲未有呢个概念，所以会帮佢将利是钱先储起。（今年准备几多钱派利是？）呢排都忙紧工作，未开始准备利是，到年初一先有得休息，可能过完年再派。”

睇击下图观看活动其他相片：