【开心速递】被逼家中做反派　刘丹呻孙女唔黐佢：对我冇咁亲切

刘丹今日（26/1）出席在黄大仙举行的《爱·回家之开心速递》“邻舍团年饭”活动，与大众同乐共贺新春。刘丹表示每逢过年前准备功夫都不用操心：“因为所有嘢都由我老婆搞掂晒，我只系负责睇下佢整得好唔好，我哋都会买细棵嘅泥种桃花放系屋企，佢有样嘢好，可以继续种住佢，出年又可以再开花又环保。”

丹爷亦指儿子刘恺威已留港陪过年：“阿仔系香港已经休息咗一段时间，应该过咗年之后计划开工。”被问到孙女“小糯米”跟边个多啲？丹爷坦言：“孙女跟Daddy、嫲嫲及姑姑多啲，系跟我跟得最少，因为我系屋企有一个角色一定要担当，就系一个反派嘅角色，例如佢曳曳我就系碌大对眼，大声话佢所以必定系我，所以佢对我会冇咁亲切啦。”

刘恺威与杨幂去年结束五年婚姻关系，女儿“小糯米”由爷爷嫲嫲在香港照顾，被问到“小糯米”有否挂住妈咪？丹爷表示：“佢会用视像通话，之前Daddy唔喺香港嘅时候，佢都会用视像，所以依家新科技都几方便。”有没有同新抱沟通过？丹爷继说：“如果要沟通都唔轮到我哋，由佢哋自己沟通啦，我哋都老啦，唔理得咁多啦。”想唔想佢哋两公婆再维系夫妻关系？丹爷叹息说：“呢啲唔好问，唔好问我，你有机会问下我个仔啦，问下佢哋后生一辈啦！”