《开心速递》Mandy无得回家？ 　大小姐：我都唔知自己仲有无得做

无线处境剧《爱·回家之开心速递》举行祝捷暨团年晚宴，剧中最受观众同网民喜爱的一对CP，饰演大小姐的林淑敏以及饰演送水辉的许家杰当然都有出席。两人表示新一年这条感情线的剧情将会继续发展落去，送水辉将会发𡚒图强，许家杰说：“佢想拉近同大小姐嘅距离，所以开咗间酒吧做生意。”他还透露会有由杨玉梅饰演的新角色加入，大小姐说：“呢个角色会为送水辉增添一点涟漪。(咁会唔会威胁到大小姐？) 一定唔会威胁到我，我依然系有通告，有工开有得拍，可能系少咗同送水辉嘅场口啫。”对于黎振烨饰演的Jacky介入两人，林淑敏就说：“佢做得好好，希望我哋三人行一直为观众带嚟娱乐。”

近日网上有传饰演大小姐秘书Mandy的谢芷伦被TVB雪藏，对此，林淑敏说：“我无听过，佢应该系拍紧第二套剧，我有时都会喺公司见到佢。”许家杰补充说：“佢好似系拍紧《法政先锋》，我都试过之前拍《兄弟》时要离开剧组一段时间。”对于有网民表示担心Mandy无机会回家了，林淑敏说：“其实我自己都唔知听日仲有无得做，要睇编剧点写，又唔知啲观众仲钟唔钟意我。我哋拍《开心速递》最想系观众钟意同埋睇得开心，可以一直有得拍落去，咁样对我嚟讲好过出粮。”他们又谓希望朝著突破《真情》集数的目标进发。