【荷里活有个大老千．专访】郑则仕自认小演员：喊唔等于悲凉

《荷里活有个大老千》一剧请来重量级演员郑则仕（饰：龙四）担任主角，讲述一个老千成为片场制片的故事。虽前车可鉴，大众都对此剧持两极意见，有人认为“王晶出品”，均离不开“屎尿屁”；又有人认为此剧可观性甚高，能为王晶“洗底”。姑勿论“王晶出品”代表烂片与否，单是两届影帝坐阵，就已经十分有吸引力。

“武有洪金宝，文有郑则仕”80、90年代正值香港电影巅峰时期，银幕中却经常出现两个“肥佬”，一位是当年的武打巨星、“七小福”中的大师兄洪金宝，另一位是以演技而闻名的郑则仕。虽然，在2019年的今天称呼他为“Kent哥”、“龙四”可能较为适合；不过，称呼他为“肥猫”又或是“肥波”似乎更符合大众对他的印象。

“肥猫”一词严如是郑则仕的艺名

访问正式开始之前，笔者与Kent哥碰面时，就如大家在路上偶遇儿时偶像般。虽貌似有少许不专业，但亦难掩兴奋之情。碰面之时，“套《追龙》好好睇”、“我细细个就睇你做戏㗎”这两句已冲口而出。他听到时，便露出招牌的笑容，说：“系吖，‘肥猫’吖嘛！好多呢个年龄嘅人都系咁讲。”之后亦即引申出一个问题：“‘肥猫’个名跟咗你卅几年㖞，系好定唔好？”他即回答说：“有好有唔好啦。”

小学生也以为郑则仕是真正的智障人仕

Kent哥续说：“好呢，系大家过咗咁耐都仲记得你；唔好呢，系会焗限咗自己可以做嘅角色。因为个个都记得你系‘肥猫’。”正式“Load机”访问之时，他说了一件趣事。“𠮶时系啱啱上紧《低一点的天空》，有一次我喺南华会打保龄球，咁啱有有班学生行过。佢哋仲讲：‘哈哈哈，傻仔打保龄球，傻仔都识打保龄球。’”他叙述此事脸带笑容，似乎并没有因被误认为是“傻仔”而不满。“肥猫停留咗喺某个时空里面，啲人见到就当系𠮶个岁数嘅嘢，唔理你系几多岁，见到呢个肥猫就定向咗喺𠮶度，呢个系自己都觉得好好玩嘅嘢。”

【荷里活有个大老千】36岁文凯玲入行7年收起性感：我有个底线

【荷里活有个大老千】“奸神”龙方被王晶发掘 反派形象深入民心

俄国著名戏剧和表演理论家，史坦尼斯拉夫斯基（Stanislavski）在《演员自我修养》书中说过：“不能创造那连你自己都不相信的、连你自己都认为是不真实的东西。”即作为演员，需要创造一个自己也相信是真实存在的角色，又或是完完全全的代入，成为那一个人物，才能够感动观众。正因“肥猫”被创造成一个有血有肉的人物，才会令大家留下如斯深刻的印象。

【荷里活有个大老千】马志威被赞男神混合体：拍电视剧的确易入屋

【荷里活有个大老千】刘温馨上位路逐格睇 奥运火炬手变未来花旦

郑则仕做甚么角色也似“肥猫”？

无线剧集《荷里活有个大老千》播出之时，有人批评“龙四”总是有“肥猫”的影子。问到他会否在演戏时，将“肥猫”的某部份混入了“龙四”当中？他坦言：“呢个我唔敢保证，因为我做𠮶时冇谂呢样嘢，但系我哋呢啲小演员，犯呢啲错都唔出奇。”及后，他引用了罗拔迪尼路（Robert De Niro）作例子：“我唔系好似Robert De Niro咁系国际大明星。将佢哋嘅戏睇返，又做忠又做奸，你可能会话：‘表情咪又咁样。’但系如果用个表情去衡量嘅话，当然有好多嘢会相似，因为块面个肌肉组织有限度。我觉得睇戏要做呢，唔系睇个面部，系要睇个角色嘅血肉，即系Robert De Niro做《教父》嘅时候，同佢做《非常外父》一唔一样？你睇佢都系𠮶个人做，都系𠮶个表情，但系佢做紧佢个性格。”

角色的“血肉”比造型更重要
郑则仕：“造型只系包装，有时并唔系我哋主导。譬如服装指导，佢哋话系咁咪咁啰。我唔会同佢哋拗撬，因为交得畀佢，佢有咁嘅权力决定，呢一样嘢我好少坚持。但系角色血肉上面我会坚持好多，譬如呢一场戏要喊，其实唔会喊，唔系话喊就系悲凉㗎嘛，有冇听过泪向肚中流？喊都有唔同样，我觉得观众睇𠮶阵，系跟紧呢个人嘅性格行，唔系纯粹跟个样、包装或者个表情唔一样就系唔一样，而系我睇紧𠮶时我系了解紧个心。”