劲歌颁奖礼前夕落街放狗疑似丧喊　菊梓乔：畀咗好大压力自己

菊梓乔（hana）、余诗曼及李丞责今日（18/1）出席在跑马地举行的“农历新年赛马日”记者会，为大家预告一连串精彩活动。属虎的hana更即场获得玄学家大帅李丞责赠言美句：“师父话属虎年嘅人唔可以独行独往，因为本身虎嘅性格系独立，惯咗自己生活，我都觉得自己有啲相似，师父仲话最好跟随大队同埋近多啲猪年嘅朋友，咁样对自己嘅运程就会更加顺。”

菊梓乔本名是陈晓怡，当年旧唱片公司揾玄学家提名改字，排列出几个名子供选择：，Hana直言：“自己对玄学嘅嘢都好相信，我个名揾咗玄学师父计算出嚟，有分木字同其他部首，之后我哋仲将几个名放系网上畀大家选，师父话呢几名对事业都有帮助，最后选咗菊梓乔呢个名。”

日前有指菊梓乔（Hana)在《劲歌颁奖典礼2018》前夕压力爆煲，晚上带狗落街散步时，接听电话后，情绪突然激动狂哭，Hana笑言：“自己成日落街放狗都畀人影，其实我平时冇乜活动通常都系放狗，可能有时候激动咗少少啦，其实我唔系好记得当日我倾𠮶个电话系咩内容，可能𠮶段时间病，病得好犀利，可能畀咗好大压力自己，颁奖前夕系有压力，但相对唔舒服压力大一点，因为唔舒服系会影响表演，我觉得最摆上心系呢样嘢，亦都系好嬲自己嘅一样嘢。”