【友台VIP】三岁囡Gaibe劲黐身　姚乐怡唔敢谂幕前：旅行都唔去得

姚乐怡（Sherming）今日（16日）到湾仔参与由好姊妹周家蔚及刘永健主持的ViuTV节目《友台VIP》录影，Sherming直言是抱住品尝家蔚好手势的心情到场，因自己不擅长烹饪，平日交由老公下厨，而他最爱菜式是牛扒：“老公煮食好叻，我仲建议佢开餐馆，佢可以买到成个雪柜都系牛扒，凌晨三点想食就起身煮来食，婚前已经有咁嘅习惯，搞到我身形都好难维持。”

【友台VIP】谈七魔女离巢后成军 文颂娴：当时埋头拍剧冇得交流

Sherming婚后退出幕前专心照顾三岁囡囡，她指女儿已入读K3并学习独立，成为她的一大课题：“囡囡好钟意跳舞，睇儿童节目会跟住跳唱，所以我带佢去音乐学校，第一次带佢去学校上50分钟堂，我偷走后喊足40分钟。最近再带佢去有进步，可能读书后独立啲，但早排放假喺屋企多，最近返学又有点扭计。”

时间上相对自由，不过Sherming直言未有机会甩身，更是有苦自己知：“囡囡同我系同床瞓，有时等佢瞓咗我又起身做自己工作，佢经常半夜醒咗便抱住我，又拉我手抱住佢，抱得很紧的，她又几大力，要头贴头好似情人咁，搞到我肩膀位被拉到有点劳损。”Sherming直言有点辛苦，但想到女儿长大后是另一回事，现在会好好珍惜女儿的冧招。

问到老公可有分担？Sherming笑言：“囡囡成日会no no daddy，搞到老公都有点不开心，但只要女儿间唔中叫他一声，佢就冧到放低晒。（有机会做多啲幕前节目？）今次都系撑姊妹家蔚，有时我都问自己，系咪旅行都唔去得，所以返幕前都系难事，加上我仲有活动统筹工作。”