被朱晨丽呻生日只收到短讯　何广沛：啲女仔好麻烦！

何广沛今日（4日）出席商场圣诞开幕活动，他提到今年圣诞将会在忙于拍剧，很多约会都未能赴约，孝顺的他表示希望能完成所有剧集拍摄后带家人去旅行。

广沛说大时大节不会买礼物给朋友，因为觉得为买而买失去买礼物的原意，而自己也一向对圣诞礼物没有太大的渴求，但今年却是例外：“最好就系收到“最佳剧集”嘅奖励做圣诞礼物，颁奖典礼喺圣诞节前一个礼拜吖嘛，如果可以喺圣诞前收到呢个大嘅圣诞礼物就好！”

不久前广沛被绯闻女友朱晨丽（朱朱）投诉生日时只收到他的生日短讯，要“扣分”，他笑说：“收到我嘅message已经好好㗎啦！我唔系每个人都会send message㗎！我都有问佢几时食生日饭，但大家都就唔到期。”广沛更笑称约女仔食饭好麻烦：“呢样又话唔食，𠮶样又话唔食，呢度又话太多人唔食，又要揾啲好隐蔽又私隐度高嘅地方，好唔容易！”广沛形容得这么具体，难道就是暗示朱晨丽好难约？

下星期好兄弟张彦博将开演唱会，广沛透露“跳跃四子”将会做嘉宾：“我哋会跳一首之前无表演过嘅歌，当然唔系全新创作嘅歌啦，我哋都系翻唱，都系恶搞㗎啦。但系咩歌呢？当然我唔会披露，不过一定会载歌载舞，令全场气氛炒到最高！”