获网民封“冰封侠”　童颜曹永廉劲牙擦：郑嘉颖皱晒皮！

曹永廉（阿廉）、唐文龙、杨卓娜、汉洋与谭嘉荃及星级化妆师Will Or，日前为医学美容中心新店开幕担任剪彩嘉宾，吸引大批巿民围观，场面墟冚。而有份主演剧集《大帅哥》的阿廉就大受欢迎，获不少巿民索合照，人气爆灯。

54岁的阿廉，不单止人气劲，保养得宜的他，近日更获网民封为“冰封侠”。问到美容心得，他笑言后生时没有特别保养，但有感近年出现衰老迹象，故多了关注仪容。平时会勤力敷保湿面膜或做Facial，又会注重健康，饮食少糖少盐：“其实最重要系心态，开心，个样就会后生。”

问到阿廉身边朋友中，觉得边位跟他一样Keep得咁好？他笑言身边个个朋友都保养得不好，他更点名指郑嘉颖、黄智贤、萧正楠老得快，笑言：“我身边个个朋友都keep得唔好，你问我身边边个朋友老得好快呢？一定系最老友𠮶几个，大家都知道啦，嘉颖皱晒皮，另外黄智贤个样睇落仲大过我，其实佢年纪系细过我。仲有萧正楠，有啲剧佢可以做我阿哥，佢真系要检讨吓！所以喺我身边嘅人老得快，唔代表我后生，希望佢哋注重吓，尤其系嘉颖唔好咁劳碌。”

至于提到《大帅哥》收视高、口碑好，阿廉亦听到不少同事大赞剧集好睇，令他感到十分高兴。农历新年将至，阿廉表示将陪伴家人四出拜年，问到他会否叫已宣布婚讯的萧正楠封大利是给他？阿廉笑说：“今年佢扬晒，都几大镬！不过佢好孤寒！唔会封畀我，叫佢封畀我啲小朋友，我啲仔女曾经当佢系偶像。虽然佢结咗婚，我个女对佢冇晒兴趣，但都希望佢会封番封大利是畀佢哋。”

另外，样貌、身型同样十年如一日的唐文龙，自言是贪靓一族，所以对保养非常讲究。问到2019年，会否希望宣布“封盘”，他直言：“女友都冇，何来‘封盘’，爸爸催过我，催到近年都放弃。”问他是否要求高？唐文龙也直认不讳：“最紧要同我夹得埋，对我阿爸阿妈好，皮肤白、唔好太瘦！”而杨卓娜则透露妹妹杨怡较她贪靓，讲到杨卓娜会否传授生仔袐方给杨怡，卓娜即表示：“生小朋友系讲缘份，佢有自己计划，知道妈咪有帮佢调理身体，佢自己都有食中药调理。”