【后生仔倾吓偈】冯盈盈为见SJ劲频扑：门票到手后心中只有一个字

近年唔少演唱会都出现“绝望座位表”，令一众黄牛党愈养愈肥。最新一集《后生仔倾吓偈》就以“抢飞”血泪史为题，身为韩团Super Junior热血粉丝嘅冯盈盈，话自己当年为去日本东京巨蛋（Tokyo Dome）见oppa费尽心思。“我托细佬补习老师嘅日本朋友加入后援会，已经用咗一笔钱，之后再要抽飞，结果我中咗山顶之中嘅山顶位。”虽然抽中山顶位，但FYY当时就觉得既然后援会嘅门票都已经系咁，街外人嘅门票应该更恶劣，“点知到公开发售时，周围都有飞，心中只有一个字……”FYY话临出发前，有粉丝喺网上讨论到底边一区域先会清晰地见到oppa，而FYY手持嘅山顶位，被形容为“如果系入咗后援会，仲抽到呢个位，真系死咗佢好过。”结果FYY入场后，只见到纳米版本嘅SJ。

之后FYY听到一众后生仔嘅扑飞理论，例如系当全城狂咁F5再成功登入购票版面时，就非常有感而发咁话：“好有精子围住卵子，想睇下边个窿可以入去到，好有受孕感觉。”连买飞都可以咁学术性，６号都非常佩服FYY呢位性博士，一众后生仔亦不停拍手赞好，而FYY亦好认真咁话:“真系㖞，你要揾到粒卵子个窿，然后入去。”