“师奶杀手”陶大宇农历新年留港陪90岁母亲：最渴望接到佢嘅利是

ViuTV新剧《诡探前传》预计将于2020年2至3月面世，剧中除了有郑少秋、陈安立、麦子乐以及沈殷怡等一众演员参演之外，更会有香港“师奶杀手”第一人之称陶大宇。 周六陶大宇盛装出席活动时接受《香港01》访问，他说：“听讲好似二月或者三月出街，套剧题材比较敏感，又夹杂咗过年，始终系讲啲神怪题材，过年过节又唔系好吉利。其实我都几钟意个角色，因为我以前都未演过，套剧讲我系一个中医师，唔系呃人嘅，系同人把脉行医，12点之后就我最恶，变做一个黑社会，卖白粉、杀人，我觉得反差咁大都几过瘾。”

谈及他近来的剧集拍摄的工作，他直言尚未有剧本在手：“冇！我好坦白，冇！（点解？）其实都怀孕过，不过次次都流产，都有人揾我嘅，不过系时间上唔配合，同埋觉得角色唔系好啱我，我觉得唔紧要啦。我仲健在，我又唔介意等。”他表示，近年工作多是出席商演活动：“我前日先喺武汉返嚟，今日抖咗一日，偷唔到懒，我听日就要飞去无锡，做到廿几号就可以收工‘安享晚年’。”陶大宇笑说，这个“安享晚年”其实意指放假回家过农历新年。“哈哈，其实一直穿州过省，又忽冷忽热，再加上年龄又大咗，要病住咁做。我希望返嚟之后可以正正式式咁抖下。（一个月‘飞’几多日？）我冇计㗎，有嘢做咪‘飞’啰，冇嘢做就留喺屋企，陪下我阿妈啰，其实佢都90岁啦，好犀利吖，希望可以陪佢多啲。”

临近中国农历新年，他又会怎样与90岁的母亲渡过呢？他回答说：“新年都系陪多啲佢，又可以趁机休息下。不过我本身就唔系好钟意过年，唔知系咪因为人大咗呢？（农历新年钟意简单啲过？）唔会周围飞啦。（过农历新年妈妈仲会唔会派利是畀你？）会！我生日、出门都会畀我。佢会话：‘袋住佢，返到嚟就剥咗佢。’啲钱要使㗎㖞，但系入面得十蚊㗎啫。（农历新年又会畀几钱？）过年佢会畀一百蚊，我觉得唔系一百蚊嘅问题，而系每年都可以接到佢嘅利是，先系最可贵，钱唔系重要，希望佢身体健康，每年都畀到利是我，呢个先系做仔女最渴望。”