郑秀文7月红馆演唱会歌单初步确定：主打同sidetrack各一半

郑秀文（Sammi）今日（8日）以一身黑色打扮亮相活动，型格十足。虽然天气渐凉，不过Sammi就刚刚剪短头发，更染了新颜色，心情大靓的她直言短头发才是最似自己，而且好方便 。“因为我实在好憎洗头，但奈何每日做运动都逼著一定要洗头，所以短啲就方便啲。”Sammi笑谓。

距离7月红馆演唱会还有半年时间，Sammi也在密锣紧鼓筹备中，她透露初步的rundown已经确定：“其实都改来改去，因为我自己都两年冇开演唱会，同埋基于上一次自己开演唱会系一个咁失声嘅状态底下，反而今次都系希望成个状态喺一个清醒同埋健康嘅状态可以完成。”

讲到今次的个唱歌单，Sammi坦言由于入红馆的歌迷好多时未必是自己的Die hard（忠粉），所以rundown某程度要迁就他们，她续指：“但系我今次有小小想唱返多啲sidetrack，其实我所谓嘅sidetrack原来好多人都识，咁所以我估会一半一半，就唔一定要就晒大家首首歌都识，希望在比例上做返一啲sidetrack。”

郑秀文首曝Sidetrack音乐会DVD封面 将于本月20号发售

去年Sammi于生日正日举办的sidetrack音乐会在上个月正式出碟，她日前也有重温这场骚，令她相当感触：“我好开心，因为呢个sidetrack音乐会同红馆𠮶个演出完全唔一样，咁同埋真系一支咪、一队band，冇dancer，衫都好casual，整个骚净系以歌为主，唔搞花臣，冇烟花，原来我自己都可以carry到一个咁样嘅show，好喜出望外，觉得原来搣晒呢啲花巧嘢，大家净系入嚟听我唱歌，都系咁满足同开心，我自己觉得好感动。”而sidetrack音乐会的Blue-Ray将于月底前推出。