猫奴郑秀文与流浪猫一见如故　与许志安冒雨买罐头折返喂饲好有爱

香港地爱猫爱狗之人相当多，朝夕相对就如家人一般亲厚。郑秀文同许志安结婚5年，一直未有生小朋友，但家中相当热闹，分别有爱犬Lucky以及爱猫肥米，对流浪动物佢地一样上心，最近Sammi同安仔跑步期间遇上一只疑似流浪猫，一见如故仲买猫粮喂饲，网友都大赞佢地好有爱心呀﹗

今年5月份Sammi曾经出post，原来佢哋屋企附近有邻居过身，留低猫猫Coco，佢同安仔知道呢件事后，肩负起照顾Coco嘅责任，轮流带去睇医生，又喺大厦停车场帮Coco起咗个安乐窝。直到Coco离世亦安排宠物善终将佢火化，当时已经有好多网友大赞佢哋有爱心。

寻日Sammi同安仔结伴跑步时，遇上一只啡白色流浪猫，通常流浪猫会对陌生人有戒心，但对Sammi好似特别有好感，围住Sammi转又用身体不停磨，氹得Sammi非常开心：“在雨中如常跑步，但在路上却遇上一只非凡的小花猫，牠完全不怕人（不怕我），相对来说有点小热情，mi猜，牠不停咪咪叫又团团转，牠应该有点肚饿……于是，我们决定开车去庞物店买些猫粮。虽然仍𣎴太肯定牠是否完全因为肚仔饿而狂叫……”

见到大雨下猫咪完全无地方避雨避风，令Sammi安仔都好心痛：“mi又没有食物在身，尽最快的时间，买了猫粮回到现埸，牠没有走开啊！牠一看到，九秒九走过来，就开始猛吃。看著牠吃，我们心稍为安了。我们亦同时发现原来已有“有心人”在山边留下食物和水给牠。谢谢这有心人对流浪猫的关爱。心头暖喛暖的啊！回到家中，仍会想起这花猫。看著牠吃得饱好开心好安慰。”网友留言大赞佢地好有爱心，呼吁佢地不如收养猫喵，俾浪浪一个温暖嘅家。