【我不怕唱歌？】谜之MV原唱终极现身独家回应　估唔到竟然系佢！

早几日分享咗一首“谜之MV”，只见各位网友都议论纷纷又话系田蕊妮，又话似胡琳呀，就陈晓东都话似彭羚嘅呢位“原唱”终于都喺今日（8日）展现真面目！仲独家回应咗《香港01》嘅报道添！事不宜迟，即刻睇下佢系边个先！

【我不怕唱歌？】神秘MV网上热估 陈晓东大赞：声音好通透！

点击睇片：

Aka出新歌改唱腔

其实女子组合Super Girls 队长赵慧珊 （Aka）首新歌叫做《你在听吗？》，亦系继团友吴嘉熙后，第二位“单飞”出歌嘅成员。今次Aka除咗唱之外，仲参与埋填词嘅部分，当然亦都系MV嘅女主角啦！其实上次“谜之MV”度都见到佢个侧面同背面，亦都有唔少网友凭呢点估到系Aka！不过Aka今次同过往喺Super Girls嘅合唱，或者系出活动嘅独唱嘅唱法同唱腔都有好大变化，网友们认唔出都系在所难免。

湿身闭气博到尽

话晒都系首次出个人歌，Aka今次喺MV真系博到尽！除咗揾嚟好友缠绵跳舞之外，唔熟水性嘅佢仲玩埋“湿身”，浸水入面闭气拍摄，最尾仲“呛亲”添：“因为自己唔太熟识水性，结果拍摄嘅时候饮咗好多水，又呛亲，耳仔都入埋水。虽然已经系浸暖水，不过拍摄嘅时间系凌晨，都几冻！”