Aka @ Super Girls孖广告男神澳门跑楼梯：大髀好酸软！

组合Super Girls队长赵慧珊（Aka）跟广告男神黎学勤昨日（29日）一起到澳门参加慈善跑楼梯，为乐施会筹款，虽然二人代表不同队伍出赛，但同样跑最后一棒，Aka笑言︰“我系澳门人所以嚟支持呢个年度盛事，我哋比较轻松，等第三棒时，我哋仲不停拎手机自拍。”跑开步的Aka更谓首次跑楼梯︰“之前有嚟过澳门旅游塔，不过都是搭电梯上去，今次好特别，虽然自己平时都会去跑步，不过跑楼梯就系第一次。”

提到这次跑楼梯经历，Aka表示：“之前系好紧张，做咗好多拉筋，平时我有练开跑，但跑楼梯用大髀力比较多，所以开头跑得好快，仲要两级两级咁跑，但跑到最后一层大髀好酸软冇力，加上楼梯斜度好深，最后要拉住扶手跑。”Aka笑言幸自己队友如RunnerBand成员6号（缪浩昌）实力好劲，自己才不会包尾才完成赛事，她说：“初头我好惊累大家，所以好拼命咁跑，依家大髀好酸软。而下个月我仲有个10K赛事，所以每晚会Keep住练习，希望都能顺利完成攞到好成绩。”

至于黎学勤今次代表演澳门演艺人协会跑，并赢胜出赛事，他说：“跑楼梯时仲可以欣赏风景，好享受过程，我跑最后一棒一定有少少压力，当听到好多人喺度不停帮我哋打气，唔止好兴奋仲会跑快咗。”他又谓赛前有去特训:“我有练跑楼梯，我住10楼，之前成日跑返屋企。”