【救妻同学会】刘佩玥赞蔚雨芯够温柔　胡鸿钧：你向佢多多学习喇

《救妻同学会》将于下周日播出大结局，刘佩玥 (Moon) 今日联同胡鸿钧，伍富桥等演员出席宣传活动，大玩游戏。Moon谓和一众演员在短短三个月内日见夜见，“我哋10个人嘅感情真系好好，个Team Spirit（团队精神）好似点都唔会散咁。就算而家唔洗拍戏，我哋都会系WhatsApp群入面吹水，讲无聊嘢，所以真系会有啲难舍难离。”

Moon在戏中和其他三楼的楼友一齐住青年宿舍，如果现实中有得俾佢拣Roommate，佢又会拣边个呢？“我会拣蔚雨芯！我之前啱啱同佢去咗日本，同埋我地本身识咗好耐，拍完呢套戏之后就更加熟。”Moon又大赞蔚雨芯并不是如外表般冷酷或串串贡，“佢其实系好体贴，温柔同善解人意的一个女仔，佢系我心目中系100分。”旁边的胡鸿钧听毕即抵死加句：“咁你要向佢多多学习喇！”Moon听完都忍唔住大笑。

网民狠批《救妻》　Moon：呢套剧唔系普通食食下饭望两眼！

另外Moon又回应网民对三个平行时空这个设定的批评，她指虽然有人觉得剧情叙事手法太乱，讲故事能力未够成熟，但与此同时亦有人喜欢这个元素。“我自己看剧本时就系其中一个，爸爸妈妈都觉得剧情很有趣。呢套剧唔系普通食食下饭望两眼电视𠮶种，而系要用多啲脑谂，如果专注咁追剧就会发觉其实好有趣。(即系观众睇电视唔用脑？) 又唔可以咁讲，只系话呢套剧系新尝试，只要观众专心欣赏就会容易啲理解。”