香港乐坛欠佢一个交代？　张家辉：我唔enjoy喺台上表演

张家辉为他有份主演的电影《使徒行者：谍影行动》进行拍摄工作，是继电影《使徒行者》后再与古天乐和吴镇宇原班人马上阵。问到今集的故事内容，他说：“今次会系全新嘅故事，全新嘅角色人物设定。今集都系有警有匪，有忠有奸、有人要死，有好多卧底，但系我梗系唔讲得系边个啦。我觉得会好睇过第一集，因为成个制作都提升咗，导演好有办法将第一集《使徒行者》嘅血统带落去第二集𠮶度。大家喺第一集已经适应咗导演嘅手法，喺今集可以更加发扬光大。”

提到早前古天乐获商台颁了《叱咤乐坛我最喜爱的男歌手》一奖，同样加入过乐坛做过歌手唱过歌的张家辉，亦被网民热烈讨论和吹奏，更指香港乐坛欠他一个交代，对此家辉说：“其实我钟意唱歌嘅，但系就好惊喺台上面对观众，一企喺台上就特别惊同埋会好紧张，我一啲都唔enjoy。啲朋友请我做演唱会嘉宾我表现得好兴奋，但其实我心底里好唔愿意，喺度我呼吁大家唔好请我做演唱会嘉宾喇。对住摄影机我又ok㖞，做演员就ok，如果拣到啲自己钟意嘅歌，然后录咗发放喺电台或者网上平台，我唔使出嚟做骚，唔使上台攞奖，纯粹满足自己，咁样我ok嘅。”至于可会再拍电视剧，家辉就话自己负担不到这么长时间不睡觉。