【救妻同学会】外闯27年做美指突回TVB 吴瑞庭:旧同事叫我返去

撰文: 林迅景
出版:更新:

近年不少TVB小生离巢或减产,导致剧集常常出现“撞样”情况,即同一演员,同期演出多套剧,感觉重复,网民喊闷,不过偶尔或有惊喜。比如近来《兄弟》、《救妻同学会》两套剧中,突然出现一位于香港新一代眼中既熟悉又陌生的演员,无论刚于元旦深夜播毕的《义不容情》,抑或仍未播出的重头剧《白色强人》,甚至即将开拍的《降魔的2.0》都有他的演出,他是久未露面的绿叶影星吴瑞庭。访问摄影:梁碧玲

点解叫吴瑞庭做“Cult片绿叶王”?因为佢真系拍过好多有特性而又好睇嘅Cult片,就好似呢套《伊波拉病毒》咁,应该冇乜人唔识。(电影截图)

俗语说:“人生有几多个十年。”问起十年的自己在何时何地做著甚么,可能都没几个人说得起,更何况是30年前。

吴瑞庭有“Cult片绿叶王”之称,名字你未必记得,但如果是喜爱港产的观众就一定认得。

他在80、90年代在影视圈相当活跃,虽然饰演的大多是小角色或配角,但吴瑞庭几乎甚么角色也做过 ── 警察、古惑仔、斯文败类,甚至连三级片也拍,电视剧《淘气双子星》、《义不容情》;电影《早熟》、《旺角黑夜》、《辣手神探》,甚至港产Cult片之最的《伊波拉病毒》,还有《南洋十大邪术》,吴瑞庭解释为何如此搏命:“当时机会真系唔多,有人揾你就要去㗎啦,除非系自己接受唔到拍三级片。”

《南洋十大邪术》都系另一套经典Cult片。(电影截图)
呢套系《古惑女之决战江湖》,入面吴瑞庭饰演一个呃女人嘅“小白脸”。(电影截图)

34年前跟黎耀祥周海媚做同学 入行后被误认郑伊健

吴瑞庭是1985年无线电视“第三期演员进修班”(记者曾翻查资料,是“第一期”)的学生之一,同期还有视帝黎耀祥和周海媚。所谓“艺员进修班”跟“艺员训练班”和“艺员招募班”颇为相似,只是训练内容和课程长短稍有不同。

1985年入学,同年即获无线罗致,成为合约艺员。初出道时,吴瑞庭也属“青靓白净”一类,最有趣是当时不少电视迷误认吴瑞庭是郑伊健:“你知当年仲系好兴寄信,当中有啲信好好笑,𠮶时伊健仲系喺TVB㗎嘛,我就成日撞到佢。我哋成日见面都会讲:‘喂,我收到你啲信,好似系寄畀你㖞。’伊健又会话:‘我收到啲信,又好似系你㗎㖞。’哈,可能系因为当时我哋个样有啲似。(收过几多信?)我记走𠮶时储咗成个大胶箱嘅Fans信。”

《义不容情》入面的吴瑞庭算得上系英俊小生,他出场不多,却是其中一位送丁有康(温兆伦饰)入狱的关键人物。(电视截图)
戏份唔算好重,但系俊朗嘅外表就好突出。(电视截图)

《蜀山奇侠》与郭富城做拍档如是者,吴瑞庭在TVB拍了不少经典电视剧,当中包括早前深宵热播的《义不容情》,以及1989年剧集《蜀山奇侠》中饰演“笑和尚”伙拍饰演“严金蝉”的郭富城。在1992年结束了TVB的7年时光,离开时带着一整个胶箱的粉丝信以及满满的回忆,到马来西亚闯天下,令人意想不到的是,这一走就是27年。“𠮶时都系人哋揾我去‘马来西亚HVD’做,𠮶边仲识到黄柏文、惠天赐、尹扬明,因为大部份都系香港人,差唔多二、三十人,好似个小香港嘅地方,真系开心到不得了。”

当时嘅饰演“笑和尚”嘅吴瑞庭同饰演“严金蝉”嘅郭富城。(电视截图)

亚洲金融风暴回流香港 与欧瑞伟留守至最后

1997年亚洲金融风暴,全球经济受创,连带马来西亚HVD也受影响。吴瑞庭坦言,97年算是最“愁”的日子:“我呢啲签咗包骚嘅艺员系每个月咁出粮,但系𠮶时HVD冇钱开唔到剧,我就日日坐喺度惊,因为要还骚㗎嘛。”最后,吴瑞庭还是选择了离开。“我好记得,当年喺马拉坐飞机返嚟嘅时候,即系最后一日,我同欧瑞伟系最后两个香港演员坐飞机返香港。死磨烂磨,唔敢返香港(点解讲到好似走难咁?)唔系吖,系因为香港都冇嘢做,瑞伟当年又喺𠮶边结咗婚。”

吴瑞庭廿几岁𠮶时真系劲靓仔。(网上图片)

曾任夜总会活动搞手 后转攻美术指导

吴瑞庭在1997年正式由马来西亚回到香港这个地方,不过他却选择做场地布置的工作,为夜总会安排节日活动,而不是重返TVB。没错,真的是香港旧时代盛行的夜总会。“其实间唔耐我都会客串吓电影,有人揾我就做。不过返到香港之后几年,我就去咗帮夜总会搞活动,安排唱歌、跳舞、𠮶啲都系我帮手去做。”为甚么突然间转行?他回答说:“其实我不嬲都兼职做紧幕后㗎,未入TVB之前,80到90年代我都系做紧卖衫Sales,入TVB之后𠮶4年未放过一日假,𠮶时连埋TVB艺员,同时间仲打紧4份工。(边度打工?)Sales𠮶份Part-Time系帮时装设计师马伟明(Walter Ma)卖衫。”

吴瑞庭对上一次返TVB同黎耀祥撞到。(受访者提供)
吴瑞庭拍剧虽然多数都系做绿叶角色居多,不过有演技又点会怕冇人记得呢。(资料图片)

曾历人生低潮:而家都仲挨紧!

“唔好玩我啦,瑞庭哥,你做美术指导同布景?”吴瑞庭表示自2000年已经减少幕前演出,将工作重心放在幕后,不过却常常听到这句说话。“我不嬲都要周围挨,哈哈,其实而家都仲挨紧。我记得1989年六四𠮶排真系好惨,𠮶时自己喺旺角开咗间舖做批发布料同服装生意,你知𠮶排成个环境系点,同围都冇人买嘢,我望住成舖货都冇人买,真系流晒眼泪。我仲记得我买咗盒王杰录音带喺舖头听《几分伤心几分痴》,第一次听到喊,真系好悲凉。”

呢个香港40,50年代的普遍板间房嘅厂系吴瑞庭搭出嚟㗎,迟啲大家就可以喺电视机上面见到呢个景。(受访者提供)

为《荷里活有个大老千》任美指 旧同事与太太鼓励再拍剧“之后一直都系做幕后,直到帮TVB套《荷里活有个大老千》做美术指导、布景,其实系同朋友一齐搞,仲有好多谢美术顾问林伟深同郑伟文导演,畀咗个咁好嘅机会我参与《荷里活有个大老千》嘅美术设计,可以一齐做嘢真系好开心。𠮶阵好多TVB同事、朋友,连太太都鼓励我返幕前试下,之后再介绍我去艺员部。(艺员部点覆你?)佢哋话:‘试下啦,你得嘅!呢个Moment好需要你呢个年纪嘅人。’咁样啰。(型佬?)哈哈,我都唔多记得,年纪大冇乜记性。不过返咗TVB之后真系好唔同,觉得好受人尊重,又可以见返啲老朋友,真系好多谢乐小姐和珍姐畀机会我再返无线。(唔做幕后,咪揾少咗?)做幕前其实兴趣同满足感大过一切,其实我都仲有做幕后嘢,不过比重就要少啲,托赖入咗嚟一年都好多嘢做。我个女都8岁啦,而家都系要继续揾钱,做人最紧要唔好停。”

吴瑞庭在2010年结婚之后就改名叫吴昊嵘,希望婚后过不一样的生活,再创事业高峰。不过返TVB嘅时候,大家都叫佢继续用以前个名,所以大家行街见到佢都介可以叫佢“瑞庭”㗎。(受访者提供)
+21