吴岱融将为无线拍民初剧演大好人　希望有机会开个唱

吴岱融 (Hugo) 出席网台面包台周年晚宴暨颁奖典礼，获颁共呜人气歌手奖项，他表示：“好开心我嘅歌可以引起其他人嘅共呜，我会尽我能力继续唱好啲歌。”问到他今年出碟的事，他说：“好期待，自己就嚟喺登六（60岁），好感谢老板令我喺有生之年可以再出碟，呢只系我人生第二只碟，真系好开心，依家已经录咗两首广东同两首国语。”

问到他唱的是甚么歌？吴岱融就话：“系啦，我呢个年纪，无理由唱啲小鲜肉情歌㗎嘛。有一首系送畀我太太嘅《回去爱你十亿秒》、一首系同欧瑞强合唱嘅《水霞‧风云》、仲有一首《风大浪大》同埋《我的朋友不简单》，呢首系讲我同一班相识几十年嘅朋友𠮶份友情，大家一齐努力拼搏。”对于古天乐夺得叱咤903的“我最喜欢男歌手”一奖，Hugo笑言：“佢踩过界。”

虽然好钟意唱歌，不过Hugo今年仍然是会主力在拍戏方面，会继续为无线拍剧：“新剧会喺3、4月开拍，详情唔讲得住，系民初剧嚟，我个角色系好好人嘅。依家播紧𠮶套《守护神》入面，我个角色比较搞笑，出嚟嘅反应都好好，好多谢好多朋友嘅支持。啱啱拍完《牛下女高音》，讲我哋一班中佬嘅情怀，TVB都有为呢套剧写咗首歌畀我唱，歌名系《你比我重要》，呢首我都系唱畀太太听嘅。”至于可会唱快歌又或是跳舞，他说：“我有唱过林子祥𠮶首《十二分十分寸》，唱到气咳，跳舞就唔会喇，我跳到不过我唔会跳。”他又谓希望有机会可以开演唱会，即使唱live确是会有些压力。