首度以父子档现身 吴岱融儿子Justin未计划入行：读书要紧
撰文： 赖家杰
出版：更新：
“鹫哥”吴岱融今日首次与儿子吴政桦（Justin）一同出席商场举办的父亲节活动，两父子于现场大玩游戏，十分温馨。Justin更讲到自小已经系爸爸嘅影迷：“就算佢饰演一个坏人我都咁钟意。”
Justin首次出席商演，乍看表现相当胆定，但他本人觉得有少少紧张：“自己都唔知要做啲咩，本身自己都唔踢波，今日都踢咗几吓，可能之后都要请教下爸爸。”但爸爸就觉得阿仔今日踢得好不好并不紧要，都可以当作是宣传，“因为我踢得叻佢踢得差！”
玩游戏场面好温馨，但之后另一个环节里，Justin被问到要爆爸爸的缺点，“鹫哥”又点睇？“啱啱囝仔讲到我有皱纹，咁皱纹可以用嚟演戏㗎嘛，仲有佢话我好细路仔？咁我份人开心嘛，咁某程度嚟讲都系优点。”
已届20岁的Justin，刚刚于外国服完兵役，会不会想跟随爸爸进军娱乐圈呢？吴岱融认为仔大仔世界，如果Justin想入娱乐都不会阻止，但要先要读好书，而Justin就说未有计划“出年自己会返去新加坡读书，可能之前会跟爸爸学习呢一行嘅事，至于会唔会做幕前，暂时都唔会定下来，读书先。”