董敏莉囡囡Boxing Day满月著圣诞装应节　凑女患妈妈手不嫌苦

董敏莉今年圣诞节提早收到超级大礼，就系囡囡庄子子出世陪佢过圣诞，咁啱Boxing Day就系子子满月。Monie就话过去一个月都专心凑女，大赞子子忍耐力高：“佢好乖啊，依家个人长高左好多，我发现佢忍耐力都好劲，朋友嘅BB有时去左小便都会喊要人换片，不过子子就会唔出声，到我地发觉时已经差不多漏出黎！今年圣诞都爸爸唔比我地出去玩，所以两母女留屋企扮靓靓。”

董敏莉宣布“最强小三”正式面世 与爱女同月同日同磅数劲有缘

第一次感受三人行的圣诞节，Monie都为个女悉心打扮，著上应节圣诞装。Monie帮爱女著圣诞衫时，子子郁身郁势仲识用手撑起自己，Monie笑言：“可能同我地玩得多有关，我地成日同佢玩Tummy Time（俯卧时间），佢手臂练到好有力，有人话佢可能好快识转身！”

初为人母的Monie就话心理上已习惯，但比爱女搞到五劳七伤：“我抱得太多，搞到依家有妈咪手，有时大动作啲都好痛，唯有放慢个脚步去做野，甚至叫老公去开奶同抱个囡，我同子子成个女皇咁享受圣诞节加满月。（送咩比个女？）我已经送咗个包包面比佢，似足我咁可爱，搞到爸爸都不时献吻做礼物。”