【大解放】林师杰欧阳巧莹马尔代夫裸泳：以后都要坦诚相对
撰文： 冼燕珊
出版：更新：
林师杰（Auston）同欧阳巧莹（Tammy）上月23日结婚，婚前婚后都劲忙嘅佢哋，隔咗两个几星期，终于抽到时间去马尔代夫度蜜月兼庆祝拍拖4周年！两公婆仲异地大解放，于独立泳池上裸泳！
林师杰同老婆欧阳巧莹昨晚深夜，各自在IG上载晒股裸泳相。相中见佢哋喺马尔代夫独立渡假屋前嘅泳池裸泳，欧阳巧莹留言多谢老公完成佢十八岁时嘅心愿：“成个2018叉足电，返香港搏杀半个月，一月再出发蜜月（容许我地放肆一下😅呢度实在太正喇 ）。”
而林师杰就留言打咗歌手钟舒祺《裸泳》嘅歌词，“人无邪到最坦荡才处乱不惊。”所以大家都唔好太心邪，佢仲发表对老婆嘅爱的宣言，“以后都要坦诚相对，路至会行得远。4周年快乐。”身处马尔代夫的林师杰，回复《香港01》，指原来这张靓相是从短片中截取出来的，“因为嚟紧我哋honeymoon 去好多地方，所以就买咗部航拍机，觉得𠮶个moment 好开心，大家可以咁坦诚相对，当刻好无压力，好想有一嘢样，可以纪念𠮶个moment。希望将来有小朋友，可以畀佢哋睇我哋系一对点样嘅夫妇。”
更多两公婆结婚靓相：
+11