林师杰欧阳巧莹婚前劲忙　仍抽空亲手整曲奇赠同事亲朋

林师杰与欧阳巧莹 (Tammy) 将于今个月22日举行婚礼，婚前二人非常忙碌，不只要忙派帖、影婚纱相等婚礼事宜，更要忙工作，师杰更说忙到结婚前一两天才放假，二人在结婚前十天还要赴日本参加Tammy家姐婚礼，虽然忙成咁，但两口子仍坚持亲手整曲奇饼，送畀TVB同事和朋友食，非常有心思。

曲奇饼上印有Tammy和师杰英文名字的开首字母，因为摆酒场地所限，请唔晒全部同事去饮，所以一对准新人就亲手整曲奇送给其他同事，“我哋围数本来系定30围，宜家都爆晒喇，好多同事朋友都真系请唔到，所以就谂住请佢哋食饼啰，有谂过买中式饼，不过最近好多Artist朋友都结婚，我谂公司啲幕后都食到腻咗，所以就整曲奇。”相信大家都会好钟意！