刘佩玥视Liza姐为学习对象 希望多尝试挑战新事物
撰文： 赵允琳
出版：更新：
刘佩玥（Moon）今日（11日）出席护肤品牌活动，提到香港空气污染严重，所以自己会选用天然成份的产品以减低对皮肤的负担。除了注意皮肤健康外，阿Moon称亦会从饮食方面入手：“我而家牛、鹅、一啲重化学成份嘅肠仔、午餐肉等等嘅加工食品我都唔食啦，尽量低糖、低盐啦。”
日前阿Moon联同一众《跳跃生命线》演员为张彦博的个人演唱会站台，阿Moon坦言选唱郑秀文的《上帝早已预备》是有原因的：“我哋两个（张彦博）都有个共通点就系大家都相信神，佢入行都已经13年，我知佢钟意音乐都有20几30年，佢今日可以搞呢个演唱会都系经历咗所有工作同心情上嘅高低起伏，我曾经同佢讲‘神唔系要畀一条最快嘅路畀你，而系一条最适合同最好嘅路畀你’，希望佢之后睇重播可以听到！”
阿Moon于七月推出的首本个人文字相集将推出圣诞套装，她坦言希望有机会再出新书挑战新的东西：“可能会去吓其他地方，或者除咗文字同相再加其他元素，例如音乐、故事创作等等。”她直言很欣赏Liza姐（汪明荃）经常勇于挑战新事物：“无论咩阶段都好佢都系不断试紧啲新嘢学紧啲新嘢，我而家系学紧佢，我好想唔系只系重复做人哋钟意嘅嘢，而系试吓做我可以做到啲咩。”