【救妻同学会】胡鸿钧三度提名男飞跃奖　老婆刘佩玥竟然唔撑！

TVB剧集青春偶像剧集《救妻同学会》今晚（25日）开播，胡鸿钧（Hubert）和刘佩玥（Moon）两位欢喜冤家多次合作终于收成正果成为夫妻，更首次担正男女主角，阿Moon直言非常考验自己的演技：“首先因为要我暗恋胡鸿钧仲要同你结为夫妇，好难演啊！所以我落咗好多心机！”Hubert亦“大赞”拍档做得好：“你都做得几自然吖，唔系点入围‘最受欢迎电视女角色’啊？”

剧集虽未播出，但二人都已经凭剧入选“万千星辉颁奖典礼2018”的“我最喜爱电视男女角色”，会否觉得有输蚀？Hubert表示：“我觉得有得入围成为提名嘅其中一个已经系一个好大嘅认同，攞唔攞到奖都唔系最重要，最重要系受到观众嘅喜爱。”Hubert今年更被提名“飞跃进步男艺员”，是他连续第三年入围此奖，他表示再次被提名感到高兴，因为这代表每年都有进步，但他却看好陆浩明：“因为佢喺主持𠮶方面真系好出色，喺唔同综艺都可以撑起到成个节目，口才又好转数又快！”

Hubert问阿Moon有咩心水，她竟然唔撑Hubert：“好似你咁讲，6号啦，何广沛啦，因为我今年同佢合作《跳跃生命线》，咁第三个呢⋯⋯就系胡鸿钧！”Hubert穷追不舍：“咁所以你会将呢一票投畀？”阿Moon大卖关子：“跟住之后我讲话我投畀张振朗，哈哈！我唔知啊！”