【大帅哥】演技升呢有代价　蔡思贝耳鸣半年洪永城整伤眼

无线剧集《大帅哥》播出短短5日便大获好评，同翡翠台同步播放的内地Youku网播放量也已接近8千万，受欢迎程度可见一斑。今日（8日）主演张卫健（Dicky）、洪永城（Tony）、蔡思贝（Sisley）等齐齐亮相活动为剧集造势。见到该剧有咁大回响，Tony同Sisley也很开心同感恩。

剧集受欢迎之余，Tony同Sisley的演技也“更上一层楼”，获观众大赞有进步，这当然同他们私底下努力密不可分，Sisley说：“对白上我有下功夫，睇𠮶啲gestures，即系走位𠮶样嘢，喺姿态动作，我都会下多啲功夫，希望尽量融入多啲𠮶个年代嘅感觉。（具体做咗啲咩？）我会参考好多民初剧，或者喺对白上面讲嘅时候我会谂返如果喺𠮶个年代讲，同现代讲嘅对白，节奏上、用嘅词语上，可能都会tune返啱咁样。”除此之外，Sisley表示Dicky也在分析剧本方面教了她不少东西：“佢好清楚知道每一个位，观众想睇啲咩，呢度你要表演啲咩出嚟畀公众去接受，从而就可以帮到你自己嘅角色，去话畀人听你系一个点样嘅人，半年的拍摄时间，真系喺戏剧上面学咗好多嘢。”

而Tony除了阅读大量书籍了解当时的生活背景、环境之外，在打戏方面也花了几个月时间练习，他还透露最初开始拍摄时大家只眼都不太顺利：“一开始曹永廉好似有眼疮，要做手术，跟住爆破啲碎片入咗徐荣只眼度，我都系枪战时啲碎片入咗眼度，阿贝就被撞到眼球。”其实Sisley的耳仔也因反应弹受伤，她更当场痛到喊，耳仔嗡了半年。

之前Tony参演的《张保仔》被指演技浮夸，不知道今次的《大帅哥》是否可以视作他的翻身之作呢？“我唔知点形容呢，总之多谢观众支持我嘅戏啦，陆续都会有。（觉得比之前好好多？）当然啦，有进步的，我自己睇到，亦都因为各位同事都配合得好好，剧本都好好，导演都好好，所以先有个好好的制成品出嚟。”