【大帅哥】观众激赞拎硬视帝？　张卫健：我习惯咗冇奖攞

由张卫健（Dicky）、蔡思贝（Sisley）、洪永城（Tony）等主演的无线剧集《大帅哥》自今个星期一（3日）播出之后便好评不断，今日（8日）一班主演就齐齐亮相活动，为剧集造势。眼见短短5日已经引起好大回响，Dicky也坦言很开心：“我都系想拍一部戏，香港人啦同埋挂住Dicky嘅人啦，包括其他地方啦，大家睇得开心。咁我系几Expect嘅一样嘢就系第一集已经有几大反应，咁我觉得呢样嘢就好开心，我更加开心我睇到有网民写啦，话‘喂你知唔知呀健仔，我哋好耐冇试过一家人一齐坐喺度睇电视’。”Dicky见到这条留言后，发现自从平板电脑同智能电话普及之后，一家人除了一齐吃饭，其他时间就各顾各，完全不交流：“我哋以前系坐埋一齐睇电视㗎嘛，咁如果我呢部戏系可以凝聚到一家人一齐睇电视，一齐感动，一齐笑，咁我觉得系作为一个演员，喺名与利以外嘅一个好大价值，好开心。”

虽然《大帅哥》是Dicky相隔22年再参与拍摄的无线作品，但一出马就令剧集备受赞赏，不过Dicky表示自己不会因此加大拍剧的工作：“其实唔止TVB添，即系反应好，多谢大家，咁但系唔代表我会好快再拍戏啦，或者再拍好多戏啦。”Dicky说几个月前苏志威问他“有冇谂过边一部戏会系最后一部戏？”但其实连他自己也不知道：“以我自己嘅性格我随时都有可能最后一部戏，即系可能我会做到真系做唔郁喇，冇人想请我拍戏喇，冇人想睇我喇，我先至唔做都唔定，但我亦都有可能突然间有一日就扯起条筋，唔拍喇咁，我自己都唔知道。”

下星期日（16日）就是《万千星辉颁奖典礼2018》，《大帅哥》入围多个奖项， Dicky也获提名最佳男主角，而且呼声好高，对于有无信心拎奖，Dicky笑言：“呢样嘢真系…...令我回想我演咗咁多年戏，其实喺演艺方面呢，我印象中系冇咩点攞过奖嘅，我习惯咗喇，冇奖攞我习惯咗，但我觉得真系最紧要，喺观众心目中如果我系半个影帝半个视帝咁，我已经好开心喇。”其实有不少网友表示即使Dicky无奖拎，但已经是他们心目中的视帝，Dicky闻言后也说“哇，呢句就乜都值得啦。”真是甜在心中。

今日凌晨Dicky在微博上载一张同太太张茜在海边相依偎的背影相，并配文写到：“我答应过的是，我说到做到！等我忙完这一轮的工作，我会陪你度过一个又一个的日落日出。”令粉丝误以为他有隐退的打算，“唔知呀，我自己都唔知呀，冇谂太多，即系我𠮶句说话都唔系代表要退出嘅，唔系嘅，只不过真系要多啲时间陪屋企人，系真嘅。”就到圣诞节，不知道Dicky有无计划同太太旅行呢？“圣诞节有工作要做，做完之后呢，因为我系天主教徒，每年我都会去圣堂‘子夜弥撒’嘅，今年圣诞节都一样。”