【是咁的，法官阁下．剧透】虾头爱梁烈唯爱到要死：呢份情系好大

《是咁的，法官阁下》周6(12月1日)大结局，剧中几条感情线：麦明诗同黄子恒、黎振烨同林秀怡都点到即止，反观梁烈唯饰演嘅Charles同虾头杨诗敏饰演嘅秘书Anna，一个唔觉意发生咗肉体关系，但由于Charles嘅冷淡，令情窦初开嘅Anna伤心走上绝路，虾头接受电话访问时表示，由于剧中太多感情线发展，难免会影响Charles与Anna的篇幅。“Anna一开始系唔钟意Charles，因为成日点佢做嘢，但后来发现佢心地好好，仲帮咗Anna好多，于是日久生情。但Anna成世女都无拍过拖，所以上完床之后，就已经认定Charles，尽管Charles碍于面子唔肯承认爱呢个女人，但Anna唔会觉得呢个男人唔爱自己，因为Charles连自己身世都肯同佢分享，在佢来讲系好特别。”

虾头指Anna之前的衣著打扮均又沉又暗，但爱上Charles后则打扮得十分鲜艳。她指当初收到剧本时，对Anna的做法感到十分疑问甚至不太认同，但监制向她解释现实中，确有律师师资深女秘书为爱亏空公款，而双方更有一定的年龄差距。虽然Anna未有为Charles犯法，但就选择了更激进的做法。“我系会跳楼自杀，份保险受益人写咗Charles，因为Anna好想佢好，但佢知道自己做唔到任何嘢，唯有用呢个方法成就自己嘅男人，所以呢份情真系好大。”问到Anna在20集与Charles发生关系后，翌日将放有钱嘅信封交到对方手上的用意是什么，虾头笑著解释：“𠮶笔唔系肉金，只系Anna认为已经开始一段感情，所以想帮佢，咪比钱佢啰，但个timing错晒。”
 

虾头指现实中，已经唔会对爱情咁冲动，并认为爱一个人并非单纯地爱，当中可包含相处、维系、探讨等待，她更乘机为接下来演出的舞台剧《短暂的婚姻》大卖广告:“我喺入面好正，系个离婚、有个囡嘅大律师，讲嘢好啜核，同林海峰好多对手戏，但又会去沟潘灿良。”